جەكسەنبى, 10 قاراشا كۇنى قالاداعى «لەۆوبەرەجنايا» پودستانتسياسىنىڭ 10 كۆ كابەل كانالىنداعى ەلەكتر جەلىسى جانىپ, 9 كوپپاتەرلى تۇرعىن ءۇي كەشەنى, اقوردا, سەنات, ءماجىلىس, مينيسترلىكتەر ءۇيى, جوعارعى سوت اكىمشىلىك عيماراتتارىندا ەلەكتر جارىعى ءوشىپ قالدى. ەلەكترمەن قامتاماسىز ەتۋ ءورت ءسوندىرۋ قىزمەتىنىڭ رۇقساتى بويىنشا قاۋىپسىزدىك ماقساتىمەن توقتاتىلعان.
اپات ورىن العان جەرگە ەلوردا اكىمى دەرەۋ شىعىپ, جاعدايدى ءبىلدى. قۇرامىندا 16 ادام بار اپاتتىق-قالپىنا كەلتىرۋ بريگاداسى مەن ارنايى تەحنيكالار جەدەل ىسكە كىرىسىپ, ەلەكتر جەلىسىن جوندەۋگە كىرىسىپ كەتتى. اكىمنىڭ نۇسقاۋىمەن ءبىرىنشى كەزەكتە تۇرعىن ۇيلەرگە جارىق بەرىلسە, باسقا نىساندارعا دا دەرەۋ ەلەكتر قوسىلدى.
وسى جاعدايعا بايلانىستى مەملەكەت باسشىسى ق.توقاەۆ ۇكىمەتكە ارنايى كوميسسيا قۇرىپ, تەكسەرۋ جۇرگىزۋدى تاپسىردى.
ال نۇر-سۇلتان قالاسىنىڭ اكىمى اپاتتى جاعدايدى ءبىرجارىم تاۋلىكتە قالپىنا كەلتىرگەن بريگادا جۇمىسشىلارىنىڭ ەڭبەگىن سىياقىمەن اتاپ وتۋگە ۇسىنىس بەردى.
