كەشە «نۇر وتان» حدپ استانا قالالىق فيليالى عيماراتىندا فيليال توراعاسىنىڭ ءبىرىنشى ورىنباسارى قايرات جاڭابەرگەنوۆ ەلوردانىڭ ەڭ بىلىكتى ەلۋ دارىگەرىن قابىلداپ, ءتول مەرەكەلەرىمەن قۇتتىقتادى.
«نۇر وتان» حدپ ورتالىق اپپاراتىنىڭ, پارتيانىڭ استانا قالاسى فيليالى توراعاسى يمانعالي تاسماعامبەتوۆتىڭ جانە ءوزىنىڭ اتىنان دارىگەرلەرگە العىس حاتتار تابىس ەتتى.
«گيپپوكراتتىڭ «مەديتسينا – شىن مانىسىندە بارلىق ونەردىڭ ىشىندەگى ەڭ ىزگى ونەر» دەگەن ءسوزى بار. دارىگەر ءوز ىسىنە شىنايى بەرىلگەندىگىن سوزبەن ەمەس, ءىس جۇزىندە دالەلدەۋى ءتيىس. سىزدەردىڭ جاساپ جاتقان زور ەڭبەكتەرىڭىزدى ءبىز جاقسى بىلەمىز. سول ءۇشىن العىسىمىزدى بىلدىرەمىز» دەدى, ول ءوز سوزىندە.
العىس ارقالاعانداردىڭ اراسىندا دەنساۋلىق ساقتاۋ مينيسترلىگىنىڭ باس كارديولوگى ماحاببات بەكبوسىنوۆا, №3 قالالىق پەرزەنتحانانىڭ باس دارىگەر دينا تۇراقپاەۆا, تۇبەركۋلەزگە قارسى كۇرەس ديسپانسەرىنىڭ باس دارىگەرى بەيبىت بۇلدىباەۆ, №8 قالالىق ەمحانانىڭ باس دارىگەرى ايگۇل قاسىموۆا سەكىلدى مايتالمان ماماندار بار.
