استاناداعى مەديتسينالىق قىزمەت كورسەتۋ ساپاسىنا كوڭىلىڭىز تولا ما؟
ءباتيما يسمايلوۆا,
بالالار جۇقپالى اۋرۋلار اۋرۋحاناسىنىڭ مەدبيكەسى:
اق حالاتتىلار جايىندا اڭگىمە قوزعالا قالسا, اركىم ءوز باسىنا تۇسكەن وقيعاسىن تىلگە تيەك ەتەدى.
بىرەۋلەرى دارىگەرلەرمەن ارادا بولعان كيكىلجىڭدەردى ەسكە تۇسىرسە, ەندى بىرەۋلەرى سول ابزالداردىڭ اسىل قولدارىنىڭ شيپاسىن كورگەندەرىن اۋىز تولتىرا ايتادى. نە دەسەك تە, وزگە قالالارمەن سالىستىرعاندا ەلوردانىڭ ەمدەۋ سالاسى كوش ىلگەرى. ءوزىم قىزمەت ەتەتىن بالالار جۇقپالى اۋرۋلار اۋرۋحاناسى دارىگەرلەرىنىڭ جانكەشتى جۇمىسى مەنىڭ كۇندەلىكتى كوز الدىمدا ءوتىپ جاتىر. ستاتسيونار سوناۋ تسەلينوگراد كەزىندە قۇرىلعان. ايتسە دە, از ۋاقىت بۇرىن پايدالانۋعا بەرىلگەن زاماناۋي كلينيكالاردان ءبىر مىسقال كەم قىزمەت كورسەتپەيدى.
كولدى بالىقسىز ەلەستەتۋ مۇمكىن بولماسا, ستاتسيوناردى دا مەدبيكەسىز ەلەستەتۋ مۇمكىن ەمەس. ولاردىڭ جۇمىستارى قانشالىقتى جاۋاپتى بولسا, سونشالىقتى قيىن. مەديتسينانىڭ ورتا جانە كىشى قىزمەتكەرلەرىنىڭ ءىس-ارەكەتتەرى ءۇشىن, ءبولىمنىڭ ءدارى-دارمەكپەن ۋاقتىلى قامتاماسىز ەتىلىپ وتىرۋى ءۇشىن, بولىمدەگى ەمدەلۋشىلەردىڭ كوڭىل-كۇيىنىڭ, دەنساۋلىعىنىڭ ءبىر قالىپتى بولۋى ءۇشىن دە جاۋاپتى. مەنى اۋرۋحاناعا تۇسكەن ناۋقاستاردىڭ دەنى ءبىزدىڭ كورسەتكەن قىزمەتىمىزگە ۇنەمى ريزاشىلىقتارىن ءبىلدىرىپ جاتاتىنى قۋانتادى.
اقبوپە حاليلا,
ل.گۋميلەۆ اتىنداعى ەۇۋ-دىڭ ستۋدەنتى:
استانادا ستۋدەنتتەردىڭ ارنايى ەمحاناسى بار. ءبىز نەگىزىنەن سوندا بارىپ قارالامىز. ءبىر بايقاعانىم, مۇنداعى مامانداردىڭ كوبىسى ۇزاق جىلدان بەرى مەديتسينا سالاسىندا تەر توگىپ كەلە جاتقان بىلىكتى جاندار. ستۋدەنتتەرمەن ءتىل تابىسۋى, جالپى قىزمەت كورسەتۋى كوڭىلىمىزدەن شىعادى. الداعى ۋاقىتتا ستۋدەنتتەر ەمحاناسىن جاڭا عيماراتقا كوشىرەدى دەگەندى ەستىپ جاتىرمىز. كوشىرگەن جاعدايدا ستۋدەنتتەردىڭ ساپالى ەم-دوم الۋىنا بۇرىنعىدان دا مول مۇمكىندىكتەر تۋاتىن بولادى.
