تامىز ايىمەن بىرگە كەلگەن شۋاقتى كۇندەر اپتاپ ىستىققا ۇلاساتىن ءتۇرى بار. «قازگيدرومەت» ورتالىعىنىڭ ماماندارى الداعى ءۇش كۇندە, ياعني 9-11 تامىز ارالىعىندا ەلىمىزدىڭ باسىم اۋماعىندا كۇن قاتتى ىسيتىنىن ايتىپ وتىر.
«قازاقستاننىڭ اۋا رايى الداعى ءۇش تاۋلىكتە, نەگىزىنەن, انتيتسيكلون اسەرىندە بولادى. رەسپۋبليكانىڭ كوپتەگەن وبلىستارىندا اۋا تەمپەراتۋراسى ادەتتەگى نورمادان 3-7 گرادۋسقا ىستىق بولادى. باتىس جانە وڭتۇستىك وڭىرلەردە كۇندىزگى تەمپەراتۋرا 33-38-گە, كەي جەرلەردە تىپتەن 41 گرادۋسقا دەيىن كوتەرىلەتىن بولادى. سولتۇستىك جانە ورتالىق وبلىستاردىڭ جەكەلەگەن اۋداندارىندا تەمپەراتۋرا 30-37 گرادۋسقا دەيىن كوتەرىلەدى» دەلىنگەن سينوپتيكتەردىڭ حابارلاماسىندا.
11 تامىز كۇنى باتىس, سولتۇستىكتىڭ جەكەلەگەن اۋداندارى, سونداي-اق شىعىس جانە وڭتۇستىك-شىعىستا وتكىنشى نايزاعايلى جاڭبىر جاۋى مۇمكىن. الايدا بۇل وتكىنشى قۇبىلىس كۇننىڭ ىسۋىنا كەدەرگى بولا المايدى.
