11 تامىز كۇنى «جاستار» سارايىندا بوس جۇمىس ورىندارى جارمەڭكەسى وتەدى. بۇل جولعى جارمەڭكەنىڭ نەگىزگى ەرەكشەلىگى – بوس جۇمىس ورىندارى باستان-اياق ءبىلىم سالاسىنىڭ قىزمەتكەرلەرىنە ارنالماق.
بوس جۇمىس ورىندارى جارمەڭكەسىنە مەكتەپكە دەيىنگى ۇيىمدار, بالاباقشالار, مەكتەپتەر مەن كوللەدجدەردىڭ وكىلدەرى قاتىسادى. جارمەڭكەگە قاتىسىپ, وزىنە لايىقتى قىزمەت تابۋعا نيەت تانىتقان ەلوردالىقتار سول كۇنى تاڭەرتەڭگى ساعات 10.00-دەن 13.00-گە دەيىن جۇمىس بەرۋشىلەرمەن جولىعىپ, تۇيىندەمەلەرىن قالدىرۋىنا بولادى.
«بۇل – استانا قالاسىندا وتكىزىلەتىن توعىزىنشى جارمەڭكە. ادەتتە تامىز ايىندا ءبىلىم سالاسىنداعى كادرلار قاجەتتىلىگى ارتاتىندىقتان, كەزەكتى شارانى پەداگوگتارعا ارناۋ تۋرالى شەشىمگە كەلدىك», – دەيدى استانا قالاسىنىڭ جۇمىسپەن قامتۋ ورتالىعىنىڭ ماماندارى.
جۇمىسپەن قامتۋ ورتالىعى جىل سوڭىنا دەيىن تاعى 12 بوس جۇمىس ورىندارى جارمەڭكەسىن ۇيىمداستىرۋدى جوسپارلاپ وتىر.
بۇركىت نۇراسىل
