كاسىپقوي بوكستان IBO Intercontinental تۇجىرىمى بويىنشا چەمپيون, قازاقستاندىق بوكسشى يسا اقبەرباەۆ رەسەيدىڭ مىتيششي قالاسىندا كەنيالىق بوكسشى مورريس وكولامەن كەزدەسۋ وتكىزىپ, جەڭىسكە جەتتى.
اقبەرباەۆتىڭ قارسىلاسى بەسىنشى راۋندتاعى نوكداۋننان سوڭ, كەزدەسۋدى ودان ءارى جالعاستىرۋدان باس تارتتى. سول سەبەپتى, وعان تەحنيكالىق نوكاۋت ەسەپتەلىپ, جەڭىس يسانىڭ پايداسىنا شەشىلدى.
ەسكەرتە كەتەيىك, بۇل – جەرلەسىمىزدىڭ كاسىپقوي بوكستاعى 12 كەزدەسۋدەگى 11-ءىنشى جەڭىسى. ونىڭ سەگىزىن ۋاقىتىنان بۇرىن اياقتاعان. ال كەنيا وكىلى كاسىپقوي بوكستا بەس مارتە جۇدىرىقتاسىپ, ءبىرىنشى رەت قارسىلاسىنا ەسە جىبەرىپ وتىر.
29 جاستاعى قازاقستاندىق بوكسشى بۇعان دەيىن امەريكاندىق ەنتوني فەررانتەمەن نيۋ-يوركتىڭ «Madison Square Garden» ارەناسىندا كەزدەسىپ, ۇپاي سانىمەن جەڭىلىپ قالعان بولاتىن.
