ەلوردادا جاس پالۋاندار اراسىندا قازاق كۇرەسىنەن جارىس ءوتتى. قازاق-تۇرىك ليتسەيلەرىنىڭ وقۋشىلارى اراسىندا وتكەن تۋرنيرگە 8 كوماندا قاتىسىپ, جالپى ەسەبى 37 سپورتشى كىلەمگە شىقتى. بۇل سايىسقا 1996-1998 جىلى تۋعان جاستار جانە 1999-2000 جىلى تۋعان جاسوسپىرىمدەر قاتىسقان بولاتىن.
قر قازاق كۇرەسى فەدەراتسياسى جانە «كاتەV» حالىقارالىق قوعامدىق قورىنىڭ ۇيىمداستىرۋىمەن وتكەن جارىستىڭ كوماندالىق ەسەپتەگى قورىتىندى بويىنشا وسكەمەن قالاسىنان كەلگەن وقۋشىلار الدارىنا جان سالمادى. ەكىنشى ورىنعا استانالىقتار تۇراقتاسا, ۇزدىك ۇشتىكتى شىمكەنتتەن كەلگەن پالۋاندار ەنشىلەپ كەتتى. سودان كەيىنگى ورىندارعا اقتوبە, قوستاناي, اقتاۋ, سەمەي جانە قاراعاندى قالالارىنىڭ جاس سپورتشىلارى تۇراقتادى.
استانا قالاسىنىڭ اتىنان سىنعا تۇسكەندەردىڭ ىشىندە ماحات دامير 81 كەلىنى باعىندىرىپ جانە ودان جوعارى سالماقتا تۇيەپالۋان اتانسا, اسلان ماحيزوۆ (44 كگ), ەرلان شاياحمەتوۆ (65 كگ), باقداۋلەت تىعىنباەۆتار (73 كگ) كۇمىس جۇلدەگە قول جەتكىزدى. ال اكەجان ساپاروۆ (55 كگ), ەلمار ۆاليەۆ (60 كگ) سىندى وقۋشىلار قولاعا قاناعات ەتتى.
