كەشە ەلوردادا «استانا توڭىرەگىندەگى ازىق-تۇلىك بەلدەۋى» باعدارلاماسى اياسىندا «Aqmol» ساۋدا ءۇيى جەلىسىنىڭ تاعى ءبىر دۇكەنى اشىلدى.
ازىق-تۇلىك دۇكەنىنىڭ اشىلۋ سالتاناتىنا استانا قالاسىنىڭ اكىمى باقىت سۇلتانوۆ پەن اقمولا وبلىسىنىڭ اكىمى مالىك مىرزالين قاتىستى. كاسىپورىن ماماندارى قالا جانە وبلىس باسشىسىن شاعىن ماركەتتىڭ جۇمىسىمەن تانىستىردى.
– بۇل دۇكەن سورەلەرىندەگى ازىق-تۇلىك اقمولا وبلىسىنىڭ تاۋار ءوندىرۋشىلەرىنەن دەلدالسىز تىكەلەي تاسىمالداناتىندىقتان, نارىقتاعى باعادان 20-45 پايىزعا دەيىن تومەن بولادى. اسىرەسە, بازارعا بارۋعا ۋاقىتى بولا بەرمەيتىن تۇرعىندار ءۇشىن بۇل دۇكەن وتە ءتيىمدى. سوندىقتان اقمولا وبلىسىنداعى سەرىكتەستەرىمىزبەن ساۋدا سالاسىنداعى وسى جوبانى ءارى قاراي دا دامىتاتىن بولامىز. بۇل, ءبىر جاعىنان, تابيعي ءارى ساپالى ءونىم وندىرەتىن اقمولالىق كاسىپورىندارعا دا ىڭعايلى بولماق, – دەدى قالا اكىمى باقىت سۇلتانوۆ تىلشىلەرگە بەرگەن سۇحباتىندا.
شاعىن ماركەتتى ارالاپ شىققان سوڭ ەڭ ءبىرىنشى بولىپ ساۋدا جاساعان قالا باسشىسى دۇكەن جۇمىسىنا ساتتىلىك تىلەدى.
بۇل – اقمولا وبلىسىنىڭ استانادا اشىلىپ وتىرعان بەسىنشى شاعىن ماركەتى. «Aqmol» ساۋدا جەلىسىنىڭ ەلورداداعى العاشقى دۇكەنى وتكەن جىلدىڭ جەلتوقسانىندا اشىلعان. قازىرگى ۋاقىتتا 118 كومپانيامەن جۇمىس جاسايتىن ساۋدا جەلىسىندەگى 3500 تاۋاردىڭ 800-ءىن اقمولا وبلىسىنىڭ 30 كاسىپورنى جەتكىزىپ وتىر.
