اقىلبەك كۇرىشباەۆ, س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ رەكتورى, پروفەسسور:
وتىز جىلعا جۋىق تاريحى بار باس قالانىڭ باسىلىمى «استانا اقشامى» گازەتى – تىڭ ويلاردىڭ, مەملەكەتتىك ماسەلەلەردىڭ, رۋحاني قۇندىلىقتاردىڭ جارشىسى. سوڭعى كەزدە ءبىلىم سالاسىنداعى رەفورمالاردىڭ جۇزەگە اسىرىلۋىن, تۇيتكىلدى شارۋالاردى شەشۋدىڭ جولدارىن, ۇلت رۋحانياتىنداعى جىلت ەتكەن جاڭالىقتاردى ۇزبەي جاريالاپ كەلەدى. تەك قالانىڭ عانا ەمەس, ەلدىك دەڭگەيدەگى ماسەلەلەرگە دە قۇلاق ءتۇرىپ, وقىرماننىڭ كوڭىلىن تابۋدا ىزدەنىسى مول دەپ ايتا الامىن. باسىلىم ءوزىم باسقارىپ وتىرعان س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ دە ۇيىمداستىرىلعان ايتۋلى شارالارىنا ۇنەمى ءوزىنىڭ ءتورىن ۇسىنىپ كەلەدى. استانانىڭ العاشقى ءبىلىم ورداسىن باسقارىپ وتىرعاندىقتان بولار, ەلوردالىق تۇڭعىش باسىلىم ءبىزدىڭ دە نازارىمىزدان ەشۋاقىتتا تىس قالىپ كورگەن ەمەس. ۇنەمى الىپ, وقىپ وتىرامىز. قازاق باسپاسوزىندە وزىندىك ورنى بار گازەت ۇجىمىنا تەك شىعارماشىلىق تابىس تىلەي وتىرىپ, وقىرماندار كوبەيە بەرسىن دەگىم كەلەدى. ءاربىر استانالىق ازاماتتىڭ ۇيىنەن «استانا اقشامىن» كورسەك دەگەن جىلى لەبىزىمىز دە بار.
