ەلوردا اكىمى اسەت يسەكەشەۆ استانا ەكونوميكالىق فورۋمىندا سويلەگەن سوزىندە ەلورداعا گاز جەتكىزىلەتىن مەرزىمنىڭ جاقىن قالعانىن ايتتى. ونىڭ مالىمەتىنشە, وسىعان قاتىستى بارلىق ەكونوميكالىق ماسەلەلەر, سونىڭ ىشىندە لوگيستيكا جايى ءبىرشاما شەشىمىن تاۋىپ قويعان.
– ءبىز استانانى گازداندىرۋ جونىندەگى شەشىمنىڭ ورىندالاتىن مەرزىمىنە جاقىن قالدىق, – دەدى اسەت ورەنتايۇلى فورۋمنىڭ «بولاشاقتىڭ «اقىلدى» جانە تۇراقتى قالالارى» سەسسياسىندا. – بۇعان قاتىستى كوپتەگەن ەكونوميكالىق ماسەلەلەر, سونىڭ ىشىندە لوگيستيكا جايى تالقىلاندى. جاقىن ارادا شەشىم قابىلداناتىن بولادى, ءبىز ونىڭ وڭ شەشىلەتىنىنە ءۇمىتتىمىز. بۇل ماسەلە بويىنشا ماۋسىم-شىلدە ايلارىندا كەڭەس وتكىزۋ ويدا بار.
قالا باسشىسى, سونىمەن قاتار, شاھاردا قوعامدىق كولىكتەردى, اۆتوموبيلدەردى گازعا كوشىرۋدىڭ جوباسىن جۇزەگە اسىرۋ باستالعانىن, تابيعي گاز قۇياتىن ستانتسيانىڭ سالىنعانىن ايتىپ بەردى. ال «نازارباەۆ ۋنيۆەرسيتەتى» گازبەن جىلىتىلۋعا كوشتى.
فورۋمدا بارلىعى ءارتۇرلى فورماتتاعى 40 سەسسيا ءوتتى. ولاردا الەم ەكونوميكاسى تسيفرلىق جۇيەگە كوشىرۋگە, بولاشاقتىڭ «اقىلدى» جانە تۇراقتى قالالارى تۋرالى پىكىرتالاستار قىزىپ, مەملەكەتتەردىڭ «جاسىل» ەكونوميكاعا كوشۋ ماسەلەلەرى كەڭىنەن تالقىلاندى.
بۇدان باسقا, 100-دەن استام شەتەلدىك جانە وتاندىق لوگيستيكالىق كومپانيالاردىڭ قاتىسۋىمەن حالىقارالىق كولىك-لوگيستيكالىق فورۋمى بولىپ ءوتتى. فورۋمدا, تۇتاستاي العاندا, 200 سپيكەر ءسوز سويلەدى.
