ەلوردانىڭ سول جاعالاۋىنداعى جاڭا ۆەلوجولداردىڭ بويىندا 39 سمارت ورىندىق ورناتىلدى. بۇل ورىندىقتار – استانانىڭ 20 جىلدىعىنا پاۆلودار وبلىسىنىڭ جاساعان سىيى.
جاڭا ورىندىقتاردىڭ سمارتفوندارعا بليۋتۋس ارقىلى قوسىلۋ جانە ديناميكا ارقىلى مۋزىكا تىڭداۋ قىزمەتى بار. سونداي-اق, تەلەفوندى سىمسىز جانە USB پورت ارقىلى قۋاتتاۋعا بولادى. ورىندىقتار ەلەكتر قۋاتىن كۇن باتارەيالارى ارقىلى الادى.
ەڭ باستىسى, بۇل ورىندىقتار ۆەلوسيپەدتەر ءۇشىن تۇراق قىزمەتىن دە اتقارا الادى. سمارت ورىندىقتاردىڭ جاڭا ۆەلوجولداردىڭ ماڭايىنا ورناتىلعان سەبەبى دە سول.
مامانداردىڭ مالىمەتىنشە, اقىلدى ورىندىقتار قىتايدا جاسالعان. ونىڭ بىرەۋىنىڭ باعاسى – 1,2 ملن تەڭگە. ءار ورىندىقتىڭ ءۇش جىلعا دەيىن كەپىلدىك مەرزىمى بار.
