اقىلى اۆتوتۇراقتار سانى ارتادى
بيىل جىل باسىنان بەرى ەلورداداعى «نۇرجول» بۋلۆارىنىڭ بويىنداعى اۆتوتۇراق الاڭدارى اقىلاندىرىلعان بولعان. ەندى جاقىن ۋاقىتتا ولاردىڭ قاتارى تاعى دا ارتاتىنى بەلگىلى بولدى.
وسىعان دەيىن «استانانىڭ كولىك تۇراعى كەڭىستىگى» جشس ديرەكتورى ارداق تۇرعانقۇلوۆتان العان سۇحباتتارىمىزدىڭ بىرىندە كەلەر جىلدىڭ سوڭىنا دەيىن 10 مىڭنان استام اقىلى كولىك ورنى پايدا بولاتىنىن ءمالىم ەتكەن بولاتىن.
قالالىق اكىمدىكتە «استانا قالاسىنىڭ اقىلى كولىك تۇراعى كەڭىستىگىن قۇرۋ, پايدالانۋ جانە باسقارۋ» جوباسى بويىنشا «استانا قالاسىنىڭ كولىك جانە جول-كولىك ينفراقۇرىلىمىن دامىتۋ» مم مەن «استانانىڭ كولىك تۇراعى كەڭىستىگى» جشس اراسىنداعى مەملەكەتتىك-جەكەمەنشىك سەرىكتەستىك تۋرالى كەلىسىمگە قول قويىلدى.
اقىلى تۇراقتاردى ىسكە قوسۋدىڭ كەلەسى كەزەڭى سول جاعالاۋداعى د.قوناەۆ, دوستىق, ال وڭ جاعالاۋدا كەنەسارى, بەيبىتشىلىك, س.سەيفۋللين, جەلتوقسان, جەڭىس كوشەلەرىندە جۇزەگە اسىرىلاتىن بولادى. ارداق تۇرعانقۇلوۆتىڭ ايتۋىنشا, تۇراق ايماقتارىن ۇيىمداستىرىپ, جول بەلگىلەرى مەن اقپاراتتىق تاقتالاردى ورنالاستىرۋعا بەلگىلى ۋاقىت كەتەدى. ول سوزىندە اتالعان كوشەلەردەگى قاي ورىنداردىڭ اقىلاندىرىلعانى ءبىر اي بۇرىن ەسكەرتىلەتىنىن ءمالىم ەتتى.