«اق جول» دەموكراتيالىق پارتياسىنىڭ ماڭعىستاۋ وبلىستىق فيليالى دۇنيەجۇزىلىك ەرىكتىلەر كۇنىنە وراي «مەن ەرىكتىمىن» اتتى شارا جاريالادى.
«اق جول-جاستار» جاستار قاناتىنىڭ ەرىكتىلەرى بۇعان دەيىن جالعىزباستى قاريالارعا قامقورلىق كورسەتىپ, مۇمكىندىگى شەكتەۋلى جاندارعا كومەك قولىن سوزىپ كەلگەن. وسى شارالاردىڭ بارىسىن ماڭعىستاۋلىق ەرىكتىلەر الەۋمەتتىك جەلىلەردە جاريالاعان بەينەروليكتە كورسەتتى. «ءبىز قوعامدىق قىزمەتپەن ەرىكتى جانە وتەۋسىز نەگىزدە اينالىسامىز. اينالاداعىلاردىڭ پروبلەمالارىنا بەي-جاي قارامايتىن كەز كەلگەن ازامات ەرىكتى بولا الادى جانە وسى ارەكەتىمەن قوعامعا پايدا اكەلەدى. ماڭعىستاۋ فيليالىندا ۆولونتەرلىك قىزمەت جۇيەلى دەڭگەيگە قويىلعان» دەپ اتاپ ءوتتى «اق جول» پارتياسى جاستار قاناتىنىڭ جەتەكشىسى عازيزا تاجىباەۆا.
ەرىكتىلەر كومەككە كەلۋگە ارقاشان دايىن ەكەندىكتەرىن جانە ەستافەتانى پارتيانىڭ باسقا فيليالدارىنا جولدايتىندارىن مالىمدەدى.
