جاڭالىقتار
ارداگەرلەر اتتاندى شيپاجايعا
جاقىندا ون ۇلى وتان سوعىسىنىڭ ارداگەرى «جاسىل ورمان» شيپاجايىنا دەمالىسقا اتتاندى.
بۇل – ەلوردالىق ارداگەرلەر ءۇشىن جىل سايىن كورسەتىلەتىن قۇرمەتتىڭ ءبىر پاراسى عانا. وتكەن جىلى دا مەرەكە قارساڭىندا بىرنەشە قاريا استانا ءماسليحاتىنىڭ شەشىمىنە سايكەس ەمدەۋ ورىندارىنىڭ تەگىن جولداماسىمەن قامتاماسىز ەتىلگەن بولاتىن. بيىل دا قالالىق جۇمىسپەن قامتۋ جانە الەۋمەتتىك باعدارلامالار باسقارماسى جەڭىستىڭ 69 جىلدىعىن مەرەكەلەۋ كەزىندە ون ارداگەرگە «جاسىل ورمان» شيپاجايىنا تەگىن جولداما ۇسىندى. مىنە, استانا كۇنى قارساڭىندا وعان بارىپ دەمالۋدىڭ ءساتى ءتۇسىپ وتىر.
جۇما قازيەۆ