بۇدان بۇرىن ەسترادالىق كونتسەرتتەردى اشىق اسپان استىندا تاماشالاۋعا ۇيرەنسەك, ەندى وپەرانى دا ءداستۇرلى تۇردە كورەتىن بولدىق. بەيبىتشىلىك جانە كەلىسىم سارايىنىڭ الدىنداعى الاڭدا «ەكسپو-2017» كورمەسىنە وراي «ايدا» – وPEN AIR جوباسى جۇزەگە اسىرىلدى.
اتالمىش جوبانى قر مادەنيەت جانە سپورت مينيسترلىگى «قازاق اۋەندەرى» اق-پەن بىرىگىپ وتكىزدى. ال قويىلىمعا «استانا وپەرا» تەاترىنىڭ ارتىستەرى قاتىستى. ايدانىڭ رولىنە ەنىپ, باستى پارتيانى قازاقستاننىڭ ەڭبەك سىڭىرگەن قايراتكەرى جۇپار عابدۋللينا ورىندادى. بۇعان قوسا وپەرادا دينا حامزينا, تالعات مۇساباەۆ, بارسەگ تۋمانيان, بولات ەسىمحانوۆ, بولگارلىق تەنور كامەن چانەۆ كەيىپكەرلەردىڭ بەينەلەرىن سومدادى. وپەرانى باستان-اياق قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆ جەتەكشىلىك ەتەتىن «استانا وپەرا» تەاترىنىڭ سيمفونيالىق وركەسترى سۇيەمەلدەدى.
جالپى «ايدا» مىسىر, يتاليا, فرانتسيا, اۆستريا, ۇلىبريتانيا, تۇركيا ەلدەرىندە اشىق اسپان استىندا ءجيى قويىلادى. ەندى بۇل قاتارعا قازاقستاندى دا قوسۋعا بولادى.
امانعالي قالجانوۆ
