ماماندىققا, قىزمەتكە ادالدىق

ەرەكشە كاسىبي مەرەكە – مەديتسينالىق قىزمەتكەر كۇنى قارساڭىندا ەرەكشە العىس سوزدەرىن جۇكتى ايەلدەرگە, بوسانۋشىلارعا, اۋىر پاتولوگياسى بار بوساناتىن ايەلدەرگە, از سالماقپەن تۋىلعان نارەستەلەرگە جانە گينەكولوگيالىق اۋرۋلارعا مەديتسينالىق قىزمەت كورسەتەتىن, بار ءومىرىن اۋىر جانە يگى ىسكە ارناعان جاندارعا ارنالادى. بۇل – قالامىزدىڭ تاريحى مول, ەسكى بوساندىرۋ مەكەمەسى №2 پەريناتالدىق ورتالىق قىزمەتكەرلەرى. 

1998 جىلدان باستاپ ىسكە قوسىلعان №2 پەريناتالدىق ورتالىق بۇرىن ەلوردامىزدىڭ جالعىز پەريناتالدىق ورتالىعى بولدى. مەديتسينالىق تەحنيكامەن جابدىقتالۋدى, مەديتسينالىق پەرسونالمەن تولىقتىرىلۋدى, نارەستەلەردى كۇتۋدىڭ ەكىنشى كەزەڭىنىڭ بولۋىن ەسەپكە الا وتىرا, قالالىق بوساندىرۋ مەكەمەلەرى قۇرىلىمىندا پەريناتالدىق قىزمەت كورسەتۋدىڭ ءۇشىنشى دەڭگەيى تاعايىندالدى. №2 پەريناتالدىق ورتالىق قابىرعاسىندا بىلىكتىلىكتەرى زاماناۋي دەڭگەيدە جۇمىس جاساۋعا مۇمكىندىك بەرەتىن جانە قالانىڭ مەديتسينالىق مەكەمەسىنىڭ جوعارى اتاعىنا سايكەس كەلەتىن 500-گە جۋىق قىزمەتكەر ەڭبەك ەتەدى. دارىگەرلىك ماماندىقتار اراسىندا دەنساۋلىق ساقتاۋدى ۇيىمداستىرۋشىلار, اكۋشەر-گينەكولوگ دارىگەرلەر, نەوناتولوگتار, انەستەزيولوگ-رەانيماتولوگتار, تەراپەۆت دارىگەرلەر, ۋلترادىبىستىق دياگنوستيكا دارىگەرلەرى, لابورانتتار, گەنەتيكتەر, ەپيدەميولوگتار, پسيحولوگتار جانە باسقا دا مامان يەلەرى بار. استانا قالاسىنىڭ جەتەكشى بوساندىرۋ مەكەمەسىن باسقاراتىن جوعارى بىلىكتىلىك ساناتتى اكۋشەر-گينەكولوگ دارىگەر, مەديتسينا عىلىمىنىڭ كانديداتى, جوعارى ساناتتى ۇيىمداستىرۋشى دارىگەر, دەنساۋلىق ساقتاۋ ءىسىنىڭ ۇزدىگى, باس دارىگەر – ۋرازباەۆا گۋلفايرۋز گاليموۆنا. ەڭبەك ءوتىلى 20 جىلدان اساتىن ول الماتى مەملەكەتتىك مەديتسينالىق ينستيتۋتتىڭ ەمدەۋ فاكۋلتەتىن ءتامامدادى, الماتى ق., №2 پەرزەنتحاناسىندا قىزمەت ەتتى, الماتى قالاسى انا مەن بالا دەنساۋلىعىن قورعاۋ رەسپۋبليكالىق عىلىمي-زەرتتەۋ ورتالىعىندا اسپيرانتۋرانى ءتامامدادى. 2007 جىلدان باستاپ ەلوردامىزدىڭ دەنساۋلىق ساقتاۋ جۇيەسىندە قىزمەت ەتىپ كەلەدى. الدىمەن «انا مەن بالا عىلىمي ورتالىعى» اق جۇكتىلەر پاتولوگياسى ءبولىمى مەڭگەرۋشىسى بولدى. 2011 جىلدىڭ قاڭتار ايىنان باستاپ ەلوردامىزدىڭ تاريحى مول, ەسكى پەريناتالدىق ورتالىقتى باسقارىپ كەلەدى.
گۋلفايرۋز گاليموۆنا جاس مامانداردىڭ تاربيەسى مەن قالىپ­تاسۋىنا اسا نازار اۋدارادى. №2 پەريناتالدىق ورتالىق ماماندارى ءاردايىم پراكتيكالىق حالىقارالىق كونفەرەنتسيالارعا شىعادى: رەسەيدىڭ ماسكەۋ, سانكت-پەتەربۋرگ, ەكاتەرينبۋرگ, سوچي, نوۆوسيبيرسك قالالارىنا, بەلورۋسسيانىڭ مينسك قالاسىنا, ليتۆانىڭ ۆيلنيۋس, كاۋناس قالالارىنا جانە الىس شەتەلدەرگە: ۇلىبريتانياعا, چەحياعا, كورەياعا.
گۋلفايرۋز گاليموۆنا 2007 جىلدان باستاپ «مەديتسينا عىلىمىنىڭ كانديداتى» عىلىمي دارەجەسىنە يە, «قازاقستان رەسپۋبليكاسى دەنساۋلىق ساقتاۋ ءىسىنىڭ ۇزدىگى» توسبەلگىمەن ماراپاتتالدى, قالا اكىمىنەن, «نۇر وتان» پارتياسىنىڭ ورتالىق جانە اۋداندىق اپپاراتتارىنان العىس حاتتارعا يە, دەنساۋلىق ساقتاۋ باسقارماسىنان, دەنساۋلىق ساقتاۋ مينيسترلىگىنەن گراموتامەن ماداقتالعان. «تاۋەلسىزدىكتىڭ اق تاڭى» رەسپۋبليكالىق قوعامدىق-ساياسي جۋرنالىندا گۋلفايرۋز گاليموۆنا ەڭبەك قىزمەتىنە جوعارى بىلىكتى مامان جانە ايانبايتىن, كەڭ پەيىلدى ادام رەتىندە باعا بەرىلدى.
دوسوۆا كۋلياش يبينەۆنا – جوعارى ساناتتى اكۋشەر-گينەكولوگ دارىگەر, دەنساۋلىق ساقتاۋ ءىسىنىڭ ۇزدىگى, ەڭبەك ءوتىلى – 38 جىل, №2 پەريناتالدىق ورتالىقتا 1982 جىلدان باستاپ قىزمەت ەتىپ كەلەدى. بۇل – ەلوردامىزدىڭ باسىم كوپشىلىگىنە اتى ايگىلى قۇرمەتتى دارىگەر. ءوز ءىسىنىڭ شەبەرى, ۇزاق جىلدار بويى ورتالىقتىڭ ەڭ قيىن بولىمدەرىنىڭ ءبىرى – بوسانۋ بلوگىنىڭ مەڭگەرۋشىسى قىزمەتىن اتقاردى, جاس مامانداردىڭ تالىمگەرى. ونىڭ تالىمگەرلىگىندە جاس ماماندار توبى تاربيەلەندى. مامانداندىرىلعان مەديتسينالىق كومەكتىڭ تولىق كولەمىن يەلەنگەن, ءالى دە ەڭبەك جولىندا جانە جوعارى بىلىكتى مامان ۇلگىسىنە اينالدى. بىرنەشە رەت №2 پەريناتالدىق ورتالىق, استانا ق., دەنساۋلىق ساقتاۋ باسقارماسى باسشىلىعىنىڭ العىس حاتتارىمەن, «استاناعا – 10 جىل» مەرەيتويلىق مەدالىمەن, «قازاقستان رەسپۋبليكاسى دەنساۋلىق ساقتاۋ ءىسىنىڭ ۇزدىگى» توسبەلگىسىمەن ماراپاتتالدى.
تيومكين سەرگەي ماركوۆيچ – جوعارى ساناتتى اكۋشەر-گينەكولوگ دارىگەر, ەڭبەك ءوتىلى – 34 جىل, №2 پەريناتالدىق ورتالىقتا 1985 جىلدان باستاپ قىزمەت ەتەدى. بۇل – دارىگەرلەر ديناستياسىنىڭ ەلوردامىزدىڭ حالقىنا اتى ايگىلى دارىگەر. ۇزاق جىلدار بويى پەريناتالدىق ورتالىقتىڭ جۇكتىلەر پاتولوگياسى مەڭگەرۋشىسى قىزمەتىن اتقاردى. قالالىق دەنساۋلىق ساقتاۋ ءىسىنىڭ دامۋ تاريحىندا تيومكين سەرگەي ماركوۆيچتىڭ ەسىمى ول باسشىلىق ەتكەن استانا قالاسى №3 قالالىق پەرزەنتحانا اشىلىپ, جۇمىس جاساي باستاعان ۋاقىتتان قالاندى, قازىرگى تاڭدا بۇل مەكەمە №1 پەريناتالدىق ورتالىق دەپ اتالادى. س.تيومكين قىزمەتىن جالعاستىرۋدا جانە جوعارى بىلىكتى مامان ۇلگىسىن بەرەدى.
ايمبەتوۆا باقىت جەكسەنوۆنا – №2 پەريناتالدىق ورتالىق باس دارىگەرىنىڭ ەمدىك-پروفيلاكتيكالىق جۇمىسى جونىندەگى ورىنباسارى, جوعارى ساناتتى اكۋشەر-گينەكولوگ دارىگەر, دەنساۋلىق ساقتاۋ ءىسىنىڭ ۇزدىگى, ەڭبەك ءوتىلى – 34 جىل. ۇزاق جىلدار بويى ساتپاەۆ ق., باس شتاتتان تىس اكۋشەر-گينەكولوگ قىزمەتىن اتقاردى, ءاردايىم ۋرگەنت قىزمەتىندە ءجۇردى, سانيتارلى اۆياتسيا بريگاداسى قۇرامىندا الىس اۋدان تۇرعىندارىنا اكۋشەرلىك پەن گينەكولوگيا بويىنشا شۇعىل كومەك كورسەتتى, «دەنساۋلىق پويىزدارىندا» جۇمىس جاسادى. قالالىق دەنساۋلىق ساقتاۋ جۇيەسىندە 2005 جىلدان باستاپ قىزمەت ەتىپ كەلەدى. № 2 پەريناتالدىق ورتالىقتا ەڭ الدىمەن بوسانۋ بلوگىنىڭ دارىگەرى رەتىندە, كەيىن انا مەن بالا بوسانعاننان كەيىن بىرگە بولاتىن ءبولىم مەڭگەرۋشىسى قىزمەتىن اتقاردى. 2014 جىلدان باستاپ باس دارىگەردىڭ ەمدىك-پروفيلاكتيكالىق جۇمىسى جونىندەگى ورىنباسارى, ۋرگەنتتىك قىزمەت كورسەتۋدى جالعاستىرۋدا. بىرنەشە رەت №2 پەريناتالدىق ورتالىق باسشىلىعىنىڭ, استانا ق., دەنساۋلىق ساقتاۋ باسقارماسىنىڭ, دەنساۋلىق ساقتاۋ مينيسترلىگىنىڭ العىس حاتتارىمەن, «قازاقستان رەسپۋبليكاسى دەنساۋلىق ساقتاۋ ءىسىنىڭ ۇزدىگى» توسبەلگىسىمەن ماراپاتتالدى.
سايموۆا ساۋلە راحيمبەردينوۆنا – جوعارى بىلىكتى ساناتتى اكۋشەر-گينەكولوگ دارىگەر, «قوعامدىق دەنساۋلىق ساقتاۋ, الەۋمەتتىك گيگيەنا جانە دەنساۋلىق ساقتاۋدى ۇيىمداستىرۋ» ماماندىعى بويىنشا جوعارى بىلىكتى ساناتى بار, قر دسم اككرەديتتەلگەن تاۋەلسىز ساراپشىسى, دەنساۋلىق ساقتاۋ ءىسىنىڭ ۇزدىگى. ەڭبەك ءوتىلى – 38 جىل. 1979 جىلى الماتى مەملەكەتتىك مەديتسينالىق ينستيتۋتتىڭ ەمدەۋ فاكۋلتەتىن ۇزدىك ءبىتىرىپ, پاۆلودار وبلىسى ەكىباستۇز قالاسىنىڭ پەرزەنتحاناسىندا دارىگەر قىزمەتىن اتقاردى, كەيىن 10 جىل بويى ايەلدەر كونسۋلتاتسياسى مەڭگەرۋشىسى قىزمەتىندە بولدى. 2002 جىلدان باستاپ ەلوردامىزدىڭ دەنساۋلىق ساقتاۋ جۇيەسىندە قىزمەت ەتىپ كەلەدى. بۇل دارىگەر – ءوز ءىسىنىڭ مامانى, ۇزاق جىلدار بويى №2 پەريناتالدىق ورتالىق كونسۋلتاتيۆتى-دياگنوستيكالىق بلوگىنىڭ مەڭگەرۋشىسى بولىپ جۇمىس جاسادى, جاس مامانداردىڭ تالىمگەرى. بىرنەشە رەت №2 پەريناتالدىق ورتالىق باسشىلىعىنىڭ, استانا ق., دەنساۋلىق ساقتاۋ باسقارماسىنىڭ, دەنساۋلىق ساقتاۋ مينيسترلىگىنىڭ العىس حاتتارىمەن, «قازاقستان رەس­پۋبليكاسى دەنساۋلىق ساقتاۋ ءىسىنىڭ ۇزدىگى» توسبەلگىسىمەن, «دەنساۋلىق ساقتاۋ ىسىنە قوسقان ۇلەسى ءۇشىن», «التىن دارىگەر» مەدالدارىمەن ماراپاتتالدى.
ديومينا اللا نيكولاەۆنا – جوعارى ساناتتى نەوناتولوگ-رەانيماتولوگ دارىگەر, ەڭبەك ءوتىلى – 31 جىل. 1986 جىلى تسەلينوگراد مەملەكەتتىك مەديتسينالىق ينستيتۋتىنىڭ پەدياتريا فاكۋلتەتىن ءتامامدادى. 1994 جىلدان باستاپ №2 پەريناتالدىق ورتالىقتىڭ نەوناتالدى رەانيماتسيا ءبولىمى مەڭگەرۋشىسى قىزمەتىن اتقارادى. ساۋاتتى مامان, ەڭبەكقور, جاۋاپتى, جاڭا تۋعان نارەستەلەرگە ۇنەمى جانە كۇندەلىكتى جوعارى بىلىكتى كومەك كورسەتەتىن, كاسىبي ءبىلىم قورى مول دارىگەر. اللا نيكولاەۆنا باسشىلىعىمەن جانە ونىڭ تىكەلەي قاتىسۋىمەن بولىمدەگى جۇمىس كورسەتكىشتەرىندە جاقسارۋلار بايقالۋدا, نارەستە ءولىمىنىڭ تومەندەۋى, ءاردايىم جاس ماماندار, دارىگەرلەر جانە مەدبيكەلەر اراسىندا تالىمگەرلىك جۇمىسى جۇرگىزىلەدى. بولىمدە بەلسەندى تۇردە قاۋىپسىز انا اتانۋ پرينتسيپتەرى, جاڭا تەحنولوگيالار ەنگىزىلەدى: دەمالۋ كەمىستىگى سيندرومى كەزىندە جاڭا تۋعان نارەستەلەرگە سۋرفاكتانتتى ءينۆازيۆتى ەمەس ەنگىزۋ, بوسانۋ زالىنان باستاپ «اشىق وكپە» ستراتەگيا­سى قولدانادى, سالماعى از تۋىلعان نارەستەلەرگە تسۆل قويۋ ەنگىزىلدى. ەكسترەمالدى تومەن جانە وتە تومەن سالماقتى نارەستەلەردى كۇتۋدىڭ پرينتسيپتەرى ەنگىزىلدى, «28 پەتەل» ۇيىمىمەن بەلسەندى تۇردە بايلانىس جۇرگىزىلەدى, ەمىزۋدى ناسيحاتتاۋ جانە ونى ۇستانۋ پرينتسيپتەرى جۇرەدى. مۇمكىندىگىنشە (ناۋقاستىڭ جاعدايىنا قاراي) شالا تۋىلعان نارەستەلەردى كۇتۋ پروتسەسىنە اناسى دا قوسىلادى, ءاردايىم «كەنگۋرۋ ءادىسى» قولدانىلادى. ا.دەمينا باسپاسوزدە ماقالالارى جاريالانعان: 2013 جىل, №2 «انەستەزولوگيا ي رەانيماتولوگيا كازاحستانا» جۋرنالى: سۋرفاكتانت تەراپياسىنا الماستىراتىن ءادىستى قولدانۋ, از ءينۆازيۆتى ادىسپەن. 37 اپتا مەرزىمىنەن ەرتە تۋىلعان نارەستەدە ىقتيمال جانە كۇتۋلى وتىرعان جاعدايلارمەن تانىستىرۋ ماقساتىندا نارەستەلەر رەانيماتسياسى ءبولىمى ناۋقاستارىنىڭ اتا-انالارىنا ارنالعان بروشيۋرا شىعارىلدى. اللا نيكولاەۆنا دەمينا – دەميندەر ديناستياسىنداعى ءۇشىنشى بۋىن وكىلى. جالپى ەسەپتە, دەميندەر اۋلەتىنىڭ مەديتسينالىق ديناستيا ءوتىلىن قوسا كەلگەندە 150 جىل. تسەلينوگراد, اقمولا, استانا قالاسىنىڭ دەنساۋلىق ساقتاۋ جۇيەسىندە قىزمەت اتقارىپ كەلەدى. اللا نيكولاەۆنا – ادال ەڭبەگى ءۇشىن «نۇر وتان» پارتياسىنىڭ ورتالىق جانە اۋداندىق اپپاراتتارىنان العىس حاتتارعا جانە دەنساۋلىق ساقتاۋ باسقارماسى, دەنساۋلىق ساقتاۋ مينيسترلىگىنىڭ العىس حاتتارىنا يە.
يسماگۋلوۆا بوتاگوز سالمەنوۆنا – جوعارى ساناتتى نەوناتولوگ دارىگەر, دەنساۋلىق ساقتاۋ ءىسىنىڭ ۇزدىگى. 1977 جىلى قاراعاندى مەملەكەتتىك مەديتسينالىق ينستيتۋتىن ءبىتىردى. ەڭبەك ءوتىلى – 40 جىل. 2001 جىلدان باستاپ №2 پەريناتالدىق ورتالىقتا قىزمەت جاساپ كەلەدى, الدىمەن نەوناتولوگ دارىگەر قىزمەتىندە, كەيىن 2003 جىلدان باستاپ شالا تۋىلعان نارەستەلەردى كۇتۋ ءبولىمى مەڭگەرۋشىسى قىزمەتىندە. بۇل – ەكسترەمالدى از جانە وتە از سالماقپەن تۋىلعان نارەستەلەردى دياگنوستيكالاۋدىڭ, ەمدەۋدىڭ جانە كۇتۋدىڭ زاماناۋي ادىستەرىن مەڭگەرگەن جوعارى بىلىكتى مامان, جاقسى ۇيىمداستىرۋشى. بىرنەشە جىل №2 پەريناتالدىق ورتالىقتىڭ كاسىپوداق كوميتەتىنىڭ ءتورايىمى بولدى. دەنساۋلىق ساقتاۋ مينيسترلىگىنىڭ جانە دەنساۋلىق ساقتاۋ باسقارما­سىنىڭ العىس حاتتارىمەن, «استاناعا – 10 جىل» مەرەيتويلىق مەدالىمەن, №2 پەريناتالدىق ورتالىق باسشىلى­عىنىڭ العىس حاتىمەن, «قازاقستان رەسپۋبليكاسى دەنساۋلىق ساقتاۋ ءىسىنىڭ ۇزدىگى» توسبەلگىسىمەن, «كاسىپوداققا سىڭگەن ەڭبەگى ءۇشىن» مەدالىمەن ماراپاتتالدى.
نۋرمانوۆا كلارا ماليگاجداروۆنا – جوعارى ساناتتى نەوناتولوگ دارىگەر, دەنساۋلىق ساقتاۋ ءىسىنىڭ ۇزدىگى. 1977 جىلى تسەلينوگراد مەملەكەتتىك مەديتسينالىق ينستيتۋتىن ءتامامدادى. ەڭبەك ءوتىلى – 40 جىل. ەڭبەك قىزمەتىن №2 پەريناتالدىق ورتالىقتا نەوناتولوگ دارىگەر قىزمەتىندە باستادى, №1 پەرزەنتحانادا جۇمىس جاسادى جانە كەيىن № 2 پەريناتالدىق ورتالىقتىڭ شالا تۋىلعان نارەستەلەردى كۇتۋ بولىمىندە نەوناتولوگ دارىگەر قىزمەتىن جالعاستىردى. دەنساۋلىق ساقتاۋ مينيسترلىگىنىڭ, دەنساۋلىق ساقتاۋ باسقارماسىنىڭ العىس حاتتارىمەن, №2 پەريناتالدىق ورتالىق باسشىلىعىنىڭ العىس حاتىمەن, «قازاقستان رەسپۋبليكاسى دەنساۋلىق ساقتاۋ ءىسىنىڭ ۇزدىگى» توسبەلگىسىمەن ماراپاتتالدى.
№2 پەريناتالدىق ورتالىق دەنساۋلىق ساقتاۋ ءىسىنىڭ ارداگەرلەرى وزدەرىنىڭ تاڭداعان قىزمەتىنە دەگەن وسىنداي قارىم-قاتىناسىمەن جاس ماماندارعا العا ۇمىتپەن, ارتىنا ريزاشىلىقپەن, ال جان-جاعىنا ماحابباتپەن قاراۋعا كومەك بەرەدى. ءومىردى سول قالپىندا ءسۇيۋدى, ونى بايسالدى قابىلداۋ جانە ونى تەك سولاي عانا جاقسى جاققا وزگەرتۋگە بولاتىنىن ۇيرەتۋدە. كاسىبي مەرەكەلەرىڭىزبەن! مەديتسينالىق قىزمەتكەر كۇنىمەن!

ديومين اۋلەتى – دارىگەرلەر ديناستياسى

1 بۋىن: ديومين يۆان نيكولاەۆيچ, ۇوس جىلدارىنىڭ باسىندا مەديتسينالىق ءبىلىمىن الىپ ۇلگەرگەن, 1943 جىلى مايدانعا كەتىپ, دالالىق-اسكەري حيرۋرگ قىزمەتىن اتقارعان. 1956 جىلدان باستاپ 10 جىل ىشىندە الماتى مەملەكەتتىك مەديتسينالىق ينستيتۋتتىڭ توپوگرافيالىق اناتوميا كافەدراسىندا دوتسەنت قىزمەتىن اتقاردى.
2 بۋىن: 1964 جىلى ديومين نيكولاي جانە ونىڭ جۇبايى ديومينا لاريسا الماتى مەملەكەتتىك مەديتسينالىق ينستيتۋتىن ءتامامداپ, تسەلينوگراد قالاسىنا جىبەرىلدى.
ءوز كاسىبي قىزمەتىن تسەليننىي ولكەلىك سانەپيدستانتسياسىندا ەپيدەميولوگ دارىگەر قىزمەتىنەن باستاپ, ول 6 جىلدان سوڭ (1971 جىلى) تسەلينوگراد قالاسىنىڭ باس مەملەكەتتىك سانيتارلى دارىگەر لاۋا­زىمىنا تاعايىندالدى, كەيىننەن اقمولا وبلىستىق اتقارۋ كوميتەتىنىڭ دەنساۋلىق ساقتاۋ مەڭگەرۋشىسىنىڭ ورىنباسارى قىزمەتىنە تاعايىندالدى. تمد جانە دەنساۋلىق ساقتاۋ جۇيەسىنىڭ جانە مەملەكەتتىك ءدارىحانا قىزمەتى كۇيرەۋى كەزىندە ول اقمولا وبلىسى «مەدستاندارتتىڭ» ۇيىمداستىرۋشىسى جانە ەڭ العاش ديرەكتورى اتانىپ, دارىلىك قۇرالدار ءۇشىن مەملەكەتتىك باقىلاۋدى جانە مەملەكەتتىك ەمەس ءدارىحانا جۇيەسىن رەتكە كەلتىرۋدى قامتاماسىز ەتتى. 1990-2000 جىلدارى ول بەلسەندى جانە جەمىستى تۇردە اقمولا ق., جيتس قىزمەتىن ۇيىمداستىرۋ جانە دامىتۋ بويىنشا جۇمىس جاسادى. قازىرگى ۋاقىتتا دا, 76 جاسىنا قاراماستان عىلىمي-وندىرىستىك ترانسفۋزيولوگيا ورتالىعىندا ەپيدەميولوگ دارىگەر قىزمەتىن اتقارۋدا.
لاريسا ميحايلوۆنا ديومينا, وتاعاسىنىڭ جۇبايى, ءوز كاسىبي قىزمەتىن 1964 جىلى شىلدە ايىندا تسەلينوگراد قالالىق سانەپيدستانتسيانىڭ «بالالار جانە جاسوسپىرىمدەر گيگيەناسى» ءبولىمىنىڭ مەڭگەرۋشىسى قىزمەتىنەن باستادى. كەيىن ميكروبيولوگيا ماماندىعى بويىنشا جەتىلدىرۋدەن ءوتتى. جوعارى بىلىكتى ساناتتى باكتەريولوگ-دارىگەر, جۇقپالى اۋرۋلاردىڭ باكتەريولوگيالىق دياگنوستيكاسىمەن, ەمدەۋ مەكەمەلەرىندەگى تاعام, سۋ, اۋا ساپاسىنىڭ ميكروبيولوگيالىق باعالاۋىمەن, حيرۋرگيالىق قۇرالدار مەن تىگىس سالۋ ماتەريالدارىنىڭ زارارسىزداندىرۋ ساپاسىمەن اينالىستى.
3 بۋىن: قىزى – ديومينا اللا نيكولاەۆنا, 1986 جىلى تسەلينوگراد مەملەكەتتىك مەديتسينالىق ينس­تيتۋتتى ءتامامدادى. استانا قالاسىنداعى №2 پو نارەستەلەر رەانيماتسياسى بولىمىندە قىزمەت اتقارادى.
ۇلى – ديومين كونستانتين نيكولاەۆيچ, تسەلينوگراد مەملەكەتتىك مەديتسينالىق ينستيتۋتىن اياقتاعان سوڭ, ءوز وندىرىستىك قىزمەتىن 1999 جىلى №2 قالالىق بالالار اۋرۋحاناسىندا بالالار تراۆماتولوگى قىزمەتىنەن باستادى. بۇل ستاتسيوناردا جىلدار بويى جۇمىس جاساپ, ول تراۆماتولوگ, حيرۋرگ, ارتروسكوپيست, ەندوسكوپيست ماماندىعىن يگەردى. قازىرگى ۋاقىتتا كونستانتين نيكولاەۆيچ مەديتسينالىق قىزمەتتىك باسقا اياسىن جاقسى مەڭگەردى, پلاستيكالىق حيرۋرگيا, ءوز ەڭبەگىمەن ول ناۋقاستارعا دەنساۋلىق, باقىت جانە سۇلۋلىق سىيلايدى.
جالپى ەسەپتە, ديوميندەر اۋلەتىنىڭ مەديتسينالىق ديناستيا ءوتىلىن قوسا كەلگەندە 150 جىل تسەلينوگراد, اقمولا, استانا قالاسىنىڭ دەنساۋلىق ساقتاۋ جۇيەسىندە ءبىزدىڭ قالا تۇرعىندارىنىڭ دەنساۋلىعىن ويلاي جانە سۇلۋلىق, باقىت اكەلە قىزمەت ەتىپ كەلەدى!

س سايموۆا,
شجق «№2 پەريناتالدىق ورتالىق» مكك اكۋشەر-گينەكولوگ دارىگەرى, ساراپشى دارىگەر