استاناداعى قالالىق فتيزيوپۋلمونولوگيا ورتالىعىندا 1966 جىلدان بەرى وكپە حيرۋرگيا بولىمشەسى پاتسيەنتتەرگە قىزمەت كورسەتىپ كەلەدى. بولىمشەنىڭ باستى مىندەتىنە توراكالدى قىزمەت كورسەتۋ جاتادى.
اتالعان ورتالىقتىڭ ا عيماراتىنىڭ 4-قاباتىندا ورنالاسقان بولىمشەدە پلەۆراعا پۋنكتسيا جاساۋ, پاريەتالدى پلەۆرانىڭ بيوپسياسى بار توراكوسكوپيا, سەگمەنتتىك رەزەكتسيالار, توراكوسكوپيالىق سەگمەنتتىك رەزەكتسيالار, بىرىكتىرىلگەن رەزەكتسيالار, ەكۆ, لوبەكتوميا, توراكوپلاستيكا, بوگۋش, بيورك ادىستەرى بويىنشا وتالار, فراگمەنتاتسيوندى, سەلەكتيۆتى توراكوپلاستيكا, وكپە مەن پلەۆرانىڭ اشىق بيوپسياسى, بۋللا تىگۋ; كاۆەرنوپلاستيكا سياقتى باسقا دا سان الۋان وتا تۇرلەرى جاسالادى. اتالۋى قيىن ءارى تۇسىنىكسىز, بىراق ادام دەنساۋلىعى ءۇشىن وتە ماڭىزدى اعزا – وكپەمەن بايلانىستى جاسالاتىن وتا جۇمىسىن بىلىكتى دارىگەرلەر اتقارادى.
بولىمشە مەڭگەرۋشىسى قارجاۋباي اسكەروۆتىڭ قاراماعىندا 3 حيرۋرگ, 11 مەدبيكە, 11 پالاتا تازالىقشىسى ەڭبەك ەتەدى. ولار ايىنا 15-20 وتا جاساپ, ورتالىقتىڭ بولىمشەسىندە جاتىپ ەمدەلەتىن ناۋقاستاردىڭ ودان ءارى كۇتىمى مەن بابىنا دا جاۋاپتى بولادى.
– بىلتىر بولىمشەدە كەۋدە قۋىسىنا 234 وتا جاسالدى. بۇل – وتا تۇرلەرىنىڭ ىشىندە ەڭ كوبى. قانداي اۋىر ءتۇرى بولماسىن وتالاردى ويداعىداي جاساۋعا مامانداردىڭ ءبىلىمى مەن تاجىريبەسى جەتەدى. ءوزىمنىڭ بۇل سالادا جۇرگەنىمە 28 جىلدان استى. ال حيرۋرگ ماماندارىنىڭ ەڭبەك ءوتىلى 8-13 جىلدى قۇرايدى. ءبارى دە – جوعارى جانە ءبىرىنشى ساناتتاعى مامان دارىگەرلەر. بولىمشەمىز زاماناۋي مەديتسينالىق قۇرال-جابدىقتارمەن تولىعىمەن قامتاماسىز ەتىلگەن. ماماندار دا جەتكىلىكتى, ولار ۇنەمى بىلىكتىلىگىن ارتىرىپ وتىرادى, – دەيدى بولىمشە مەڭگەرۋشىسى.
ورتالىقتىڭ حيرۋرگيا بولىمشەسىنە تەك ەلوردالىق عانا ەمەس, وزگە وڭىرلەردەن دە ناۋقاستار كەلىپ, وتا جاساتادى. ماسەلەن, كوبىنە شىعىس جانە سولتۇستىك قازاقستان وبلىستارى, سونىمەن قاتار قازاقستاننىڭ باسقا دا وڭىرلەرىنەن كەلىپ جاتادى.
بولىمشەدە 18 جاستان جوعارى ناۋقاستارعا قىزمەت كورسەتىلەدى. جالپى بولىمشەنىڭ باستى ەرەكشەلىگى – وكپەدەگى بارلىق وزگەرىستەرگە قاتىستى وتالاردى جاساۋ, ياعني جوعارىدا ايتىلعانداي, بىرنەشە ءتۇرلى وتالاردى جاساۋ سونىمەن قاتار وپەراتسيالىق ماتەريالدى بىردەن باكتەريولوگيالىق, گيستولوگيالىق تەكسەرۋلەرگە جىبەرىپ, دياگنوزدى از ۋاقىت ىشىندە انىقتاۋ جانە ەمدى دەر كەزىندە باستاۋعا قول جەتكىزۋ. بۇل تەك وكپە حيرۋرگيا ءبولىمىنىڭ جۇمىسى, ورتالىقتا ودان بولەك, وكپەدەن تىس حيرۋرگيالىق بولىمشە دە بار.
