استانا قالاسى اكىمدىگىنىڭ سەرۆيس جانە تۋريزم كوللەدجىندە 1 مامىر – قازاقستان حالىقتارىنىڭ بىرلىگى كۇنىنە ارنالعان «تاتۋلىق – تىنىشتىقتىڭ تىرەگى» ۇلتتار فەستيۆالى ءوتتى. ءىس-شارا ستۋدەنتتەردى ەلىن, جەرىن سۇيۋگە, بىرلىك پەن ىنتىماقتاستىققا باۋلۋعا, وزگە ۇلت وكىلدەرىنە قۇرمەتپەن قاراۋعا, ۇلتتىق قۇندىلىقتارىمىزدى ماقتان ەتۋگە تاربيەلەۋ ماقساتىندا ۇيىمداستىرىلدى. جيىنعا استانا قالالىق ءبىلىم باسقارماسى مەن كورەي مادەني ورتالىعىنىڭ وكىلدەرى, الەۋمەتتىك سەرىكتەستەر قاتىستى.
اتالعان وقۋ ورنىنىڭ ءبىر ەرەكشەلىگى – مۇندا 29 ۇلتتىڭ وكىلىنەن ستۋدەنتتەر ءبىلىم الىپ جاتقاندىعى. فەستيۆال بارىسىندا سول ستۋدەنتتەر بىرنەشە ۇلت وكىلدەرىنە ءبولىنىپ, ءبىرىنشى بولىمىندە ولاردىڭ تىنىس-تىرشىلىگى, مادەنيەتىمەن, ونەرىمەن تانىستىردى. ەكىنشى بولىمىندە ۇلتتىق تاعامدار جارمەڭكەسىن ۇيىمداستىردى. سالتاناتتى جيىندا استانا قالالىق ءبىلىم باسقارماسىنىڭ كاسىپتىك جانە تەحنيكالىق ءبىلىم ءبولىمىنىڭ باسشىسى اقمارال راحمەتوللاقىزى مەن كوللەدج ديرەكتورى سالتانات باسىعاراەۆا ءسوز سويلەپ, جاستاردى مەرەكەمەن قۇتتىقتادى.
– ستۋدەنتتەر قازاقستاندى كوبىرەك مەكەندەگەن 13 ۇلت وكىلىنىڭ كيىمىن كيىپ, تاعامدارىن دايىندادى جانە سولاردىڭ ونەرىن كورسەتتى. جالپى كوللەدجدە 1546 بالا تاماقتاندىرۋدى ۇيىمداستىرۋ, تۋريزم, قوناقۇي شارۋاشىلىعى بيزنەسى, اۆتوموبيل كولىكتەرىنە تەحنيكالىق قىزمەت كورسەتۋ, جوندەۋ جانە پايدالانۋ ماماندىقتارى بويىنشا تەگىن وقيدى. سولاردىڭ ىشىندە 29 ۇلتتىڭ وكىلدەرى بار. ولاردىڭ قاتارىندا وتە سيرەك كەزدەسەتىن تاباساران, نوعاي, گرەك, كۇرت, رۋمىن, چۋۆاش, لەزگين سياقتى ۇلتتار كەزدەسەدى. وسى بالالاردىڭ بارىنە ۇلتىنا, دىنىنە, تىلىنە قاراماي ءبىلىم بەرىپ, ماماندار ەتىپ تاربيەلەپ جاتىرمىز. مۇنىڭ ءبارى ەلىمىزدەگى ەتنوسارالىق ىنتىماقتاستىقتى ساقتاۋداعى مەملەكەتتىك ساياساتتىڭ جەمىسى, – دەيدى كوللەدج ديرەكتورىنىڭ تاربيە ءىسى جونىندەگى ورىنباسارى دينارا ابەلدينوۆا.
وقۋ ورنىنىڭ ستۋدەنتتەرىنەن قۇرالعان «ۇكىلى» بي ءانسامبلى «شاشۋ» ۇلتتىق ءبيىن ورىنداپ, «اجەلەر» ءانسامبلى قازاق حالىق اندەرىنەن پوپۋرري ايتىپ, شاشۋ شاشىپ, كەشتىڭ باسىن باستاپ بەردى. كورەي مادەني ورتالىعىنىڭ ءبىلىم ءبولىمىنىڭ قىزمەتكەرى دجي يوڭ قۇتتىقتاۋ سوزىندە بولاشاقتا وسى كوللەدجپەن بىرلەسە جوبالار جۇزەگە اسىرۋعا نيەتتى ەكەنىن جەتكىزدى. مەرەكەلىك فەستيۆالدە وقۋ ورنىنىڭ ستۋدەنتتەرى ورىستىڭ حالىق اندەرى, وزبەكتىڭ, كاۆكاز حالىقتارىنىڭ, ازەربايجان, كارىس, ارميان, ۇيعىر, گرۋزين, تۇرىك, قازاق ەلدەرىنىڭ ۇلتتىق بيلەرىن بيلەپ, ونەرىمەن كوپشىلىكتى ءتانتى ەتتى. سوڭىندا بارلىق قاتىسۋشى ۇلتتار وكىلدەرى العىس حاتتارمەن ماراپاتتالدى.
