ەلوردادا ەسترادا جۇلدىزدارىنىڭ قاتىسۋىمەن قازاقستان رەسپۋبليكاسى ۇلتتىق ۇلان باس قولباسشىسىنىڭ جۇلدەلەرى ءۇشىن VIII xالىقارالىق «اسكەري كەرنەي» فەستيۆالىنىڭ ساپتىق كونتسەرتى ءوتتى.
19 ماۋسىمنان باستالعان xالىقارالىق دەڭگەيدەگى بۇل فەستيۆال ەلوردا كۇنىنە جانە قازاقستان پوليتسياسى كۇنىنە ارنالدى. بايقاۋدا ۇلتتىق ۇلان ۇلگىلى-كورسەتىلىمدى وركەسترى, اسكەري ينستيتۋتتىڭ اسكەري وركەسترى, «وڭتۇستىك», «ورتالىق», «باتىس» جانە «شىعىس» وڭىرلىك وركەسترلەرى, مەملەكەتتىك كۇزەت قىزمەتىنىڭ ۇرمەلى وركەسترى مەن قۇرمەت قاراۋىل روتاسى, ۇلتتىق قاۋىپسىزدىك كوميتەتى شەكارا قىزمەتىنىڭ قۇراما وركەسترى جانە قورعانىس مينيسترلىگىنىڭ ورتالىق وركەسترى ونەر كورسەتتى. سونىمەن قاتار, رەسەي فەدەراتسياسى ۇلتتىق ۇلان اسكەري فەدەرالدىق قىزمەتىنىڭ ورتالىق اسكەري وكرۋگى شتابىنىڭ وركەسترى مەن مونعوليا حالىق رەسپۋبليكاسى قارۋلى كۇشتەرى باس شتابىنىڭ ۇلگىلى-كورسەتىلىمدى وركەسترىنىڭ شىعارماشىلىق ۇجىمدارى فەستيۆال كوركىن قىزدىرا ءتۇستى.
نۇر-سۇلتان قالاسى اكىمدىگىنىڭ قولداۋىمەن وتكىزىلگەن سالتاناتتى شارا سوڭعى كەزدەرى جىل سايىن وتكىزىلەتىن ايتۋلى مادەني شاراعا اينالعان. كلاسسيكالىق, xالىقتىق جانە ەسترادالىق مۋزىكالىق تۋىندىلارى, جاۋىنگەرلىك پاراد, اسكەري قىزمەتشىلەردىڭ قارۋ-جاراق پايدالانۋ ونەرى كورەرمەندەردى ايرىقشا ءتانتى ەتىپ كەلەدى.
– ەلباسى «رۋxاني جاڭعىرۋ» باعدارلاماسىندا جاستاردى پاتريوتيزمدىككە تاربيەلەۋ تۋرالى ايتقان, ءبىزدىڭ بۇگىنگى ءىس-شارانىڭ تاعى ءبىر ماقساتى – وسكەلەڭ ۇرپاققا پاتريوتتىق رۋx پەن نامىس ءسىڭىرۋ, – دەدى قازاقستان رەسپۋبليكاسى ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى, گەنەرال-مايور مۇحامەتقالي ساتوۆ.
ارايلىم امىربەكقىزى,
ل.گۋميلەۆ اتىنداعى ەۋرازيا
ۇلتتىق ۋنيۆەرسيتەتىنىڭ ستۋدەنتى
