26 قاراشا كۇنى «ۇلى دالا ەلى – تاۋەلسىزدىكتىڭ 25 نەگىزى» 25 جۇلدىزدى كۇن جوسپارىن جۇزەگە اسىرۋ بارىسىندا «قىرعىزستان-استانا» ەتنومادەني بىرلەستىگىندە «اسسامبلەيا تاريحى – ەل تاريحى – حالىق تاريحى» تاقىرىبىندا دوڭگەلەك ۇستەل ءوتتى.
ءىس-شارانىڭ نەگىزگى ماقساتى كوپ ەتنوستىق مەملەكەت جاعدايىندا ۇلتتىق قۇندىلىقتاردى ۇلىقتاۋعا, ەتنوسارالىق بىرەگەيلىكتى ناسيحاتتاۋعا, بەيبىتشىلىكتى, بىرلىك پەن كەلىسىمدى ساقتاۋعا نەگىزدەلدى.
ەلوردالىق قازاقستان حالقى اسسامبلەياسى ۇيىمداستىرعان شاراعا قحا عىلىمي-ساراپشىلىق توبى, ەتنومادەني بىرلەستىكتەردىڭ وكىلدەرى, قحا مۇشەلەرى قاتىستى.
دوڭگەلەك ۇستەل بارىسىندا قازاقستان حالقىنىڭ بىرلىگى مەن كەلىسىمىن نىعايتۋداعى قازاقستان حالقى اسسامبلەياسىنىڭ ءرولى, جاس ۇرپاقتى پاتريوتتىققا جانە رۋحاني-ادامگەرشىلىككە تاربيەلەۋدىڭ وزەكتى ماسەلەلەرى, قازاقستانداعى تيتۋلدىق ەمەس ەتنوستاردىڭ الەۋمەتتىك-مادەني دامۋى, قازاقستان رەسپۋبليكاسى مەن قازاقستان حالقى اسسامبلەياسى دامۋىنىڭ تاريحي پاراللەلدەرى تالقىلاندى.
«ءبىزدىڭ مەملەكەتىمىز ءوز دامۋىنىڭ كەمەلىنە جەتتى جانە ءوزىن تاۋەلسىزدىكتىڭ 25 جىلىن ارقالاعان, تولىققاندى قالىپتاسقان مەملەكەت رەتىندە ايتا الادى. ال ءبىز الەم تانىعان قازاقستاننىڭ جەتىستىكتەرىندە اسسامبلەيانىڭ دا ۇلەسى بار ەكەنىن ماقتانىشپەن جانە تولىق سەنىممەن ايتا الامىز» دەپ, ءماجىلىستى اشقان ەلوردالىق قحا حاتشىسىنىڭ مەڭگەرۋشىسى ل.قۇسايىنوۆا قازىرگى قازاقستاننىڭ قالىپتاسۋىنداعى اسسامبلەيانىڭ ماڭىزىنا توقتالىپ ءوتتى.
استانا قالاسى قحا قوعامدىق كەلىسىم كەڭەسىنىڭ مۇشەسى ت.كوشمان كوپ ۇلتتى مەملەكەت جاعدايىنداعى بىرەگەيلىكتى ساقتاۋ ءۇشىن جاس ۇرپاقتى ەتنومادەني بىرلەستىكتەردىڭ قىزمەتى سالالارىنا تارتۋ قاجەتتىلىگىنە باسا نازار اۋدارىپ: «قازاقستان حالقى اسسامبلەياسىن بەلسەندى, ومىرگە قۇشتار, وزدەرىن قازاقستاندىقتار رەتىندە سايكەستەندىرەتىن جاستارمەن تولىقتىرۋ ءۇشىن ولارعا اسسامبلەيا قىزمەتىن تانىتۋعا مۇمكىندىك بەرەتىن عىلىمي نەگىزدە جاعدايلار جاسالۋ كەرەك» دەدى.
ءوز كەزەگىندە ءسوز العان استانا قالاسى وزبەك ەتنومادەني ورتالىعىنىڭ توراعاسى ش.پۋلاتوۆ ن.نازارباەۆتىڭ مودەلى جانە ونى جۇزەگە اسىرۋداعى وزبەك ەتنومادەني بىرلەستىگىنىڭ ءرولى جونىندە, سونىمەن قاتار مەملەكەتتىك ءتىلدى بارلىق ەتنوستاردى بىرىكتىرەتىن قۇرال رەتىندە اتاپ, ونى ءبىلۋ قاجەتتىلىگىنىڭ ماڭىزىنا ەرەكشە كوڭىل ءبولدى.
ءماجىلىستى قورىتىندىلاعان استانا قالاسى قازاقستان حالقى اسسامب-لەياسى حاتشىسىنىڭ مەڭگەرۋشىسى ل.قۇسايىنوۆا قاتىسۋشىلارعا العىس ايتىپ, ايتۋلى مەرەكە – قازاقستان رەسپۋبليكاسى تاۋەلسىزدىگىنىڭ 25 جىلدىعى قارساڭىندا وتكىزىلگەن وسى ءىس-شارانىڭ ماڭىزى مەن سالماعىن اتاپ ءوتتى.
