استانا اكىمى 12 كوپبالالى انانى ماراپاتتاپ, گۇل شوقتارىن تابىستادى – دەپ حابارلايدى استانا قالاسى اكىمدىگىنىڭ رەسمي سايتى.
بۇگىن استانا قالاسى اكىمدىگىندە حالىقارالىق ايەلدەر كۇنى مەرەكەسىنە وراي سالتاناتتى جيىن ءوتتى. مەرەكەلىك شاراعا 200-دەن اسا قىز-كەلىنشەك قاتىستى. اسەت يسەكەشەۆ قىزداردى كوكتەم مەرەكەسىمەن قۇتتىقتاپ, ەڭبەكتە تابىس تىلەدى. مەرەكەلىك شاراعا كەلگەن قىز-كەلىنشەكتەرگە قىزعالداق گۇلىن سىيلادى.
«سىزدەردىڭ مەرەكەلەرىڭىز كوكتەمگى شۋاقپەن, ادامزاتقا جىلىلىق اكەلۋدە. ءبىزدىڭ ۇلت قاشاندا انانى ارداقتاپ, قۇرمەتتەگەن. انا – وتباسىنىڭ جىلۋى, ۇيىتقىسى. سىزدەر انالىق پارىزبەن قاتار ءبىزدىڭ قوعامنىڭ دامۋىنا دا ەلەۋلى ۇلەس قوسۋداسىزدار. قىمباتتى انالار, قىزدار, سىزدەردىڭ كىشىپەيىلدىلىك, دانالىق, تۇسىنىستىك پەن قولداۋلارىڭىزعا راقمەت!», - دەدى اكىم.
سونداي-اق, استانا قالاسىنىڭ اكىمى اسەت يسەكەشەۆ ەلىمىزدە نۇرسۇلتان نازارباەۆتىڭ قولداۋىنىڭ ارقاسىندا گەندەرلىك ساياساتقا, انا مەن بالانى قورعاۋعا باسىم كوڭىل ءبولىنىپ وتىرعانىن اتاپ ءوتتى. كەزدەسۋ سوڭىندا 10 كوپبالالى انا – «كۇمىس القا», ەكى انا – «التىن القامەن» ماراپاتتالدى.
