استانا قالاسى اكىمدىگىنىڭ «iKomek» بىرىڭعاي بايلانىس ورتالىعىنا تاعى ءبىر قالالىق قىزمەت قوسىلدى.
1 شىلدەدەن باستاپ «استانا-بەو» بىرىڭعاي تولەم قۇجاتىنىڭ بارلىق سۇراقتارىمەن «109» قىسقا نومىرىنە حابارلاسۋعا بولادى. وسىلايشا, ەلورداداعى تاعى ءبىر ۇلكەن ماسەلەنىڭ, ياعني «استانا-بەو» بايلانىس ورتالىعىنىڭ ءتۇيتكىلى شەشىلدى.
ەلوردادا قىزمەت كورسەتۋ ساپاسى مەن ءومىر ءسۇرۋ جايلىلىعىن ارتتىرۋعا ارنالعان باستامالاردىڭ ءبىرى – ەلوردا تىنىس-تىرشىلىگىنىڭ بارلىق ماسەلەلەرى بويىنشا بىرىڭعاي بايلانىس ورتالىعىنىڭ قۇرىلۋى.
سونىمەن, جىل باسىنان بەرى «109» بىرىڭعاي نومىرىنە 55-66-55 استانا قالاسى اكىمدىگى; «استانا سۋ ارناسى» مكك; «استانا-جىلۋترانزيت» اق; «استانا-ەجۇك» اق; «استانا-بەو» جشس قالالىق قىزمەتتەردىڭ بايلانىس-ورتالىقتارى بىرىكتىرىلدى.
«iKomek» بىرىڭعاي بايلانىس ورتالىعى قالالىق «iKomek» مونيتورينگ جانە جەدەل ارەكەت ەتۋ ورتالىعىنىڭ قۇرامىنا كىرەدى جانە 365/24/7 تارتىبىندە جۇمىس جاسايدى.
سونىمەن قاتار, بىرىڭعاي بايلانىس ورتالىعىندا تۇرعىندارمەن قارىم-قاتىناستى نىعايتۋ جۇمىستارى دا قولعا الىندى. اتاپ ايتقاندا, (https://t.me/astanaikomek109_bot) Telegram چات-بوتتارىنا حابارلاما جىبەرۋگە; الەۋمەتتىك جەلىلەردەگى حابارلامالاردى #astana109 حەشتەگىمەن بەلگىلەۋگە نەمەسە قالالىق جانە ۇيالى تەلەفونداردان «109» قىسقا نومىرىنە قوڭىراۋ شالۋعا بولادى.
