ەلىمىزدىڭ شىعارماشىل جاستارى «ءان جۇرەگىم – استانا!» رەسپۋبليكالىق بايقاۋىنا ۇلكەن قىزىعۋشىلىق تانىتىپ وتىر. وتىنىشتەر ەلىمىزدىڭ تۇكپىر-تۇكپىرىنەن كەلىپ تۇسۋدە.
ءتورت جىل بويى قاتارىنان وتكىزىلىپ وتىرعان بايقاۋعا ەلىمىزدىڭ باس قالاسى استانانى انگە قوسقان قازاقستاندىق جاستار قاتىسادى. ىرىكتەۋ كەزەڭدەرىنەن سۇرىنبەي وتكەن قاتىسۋشىلار استانا كۇنىنە وراي ۇيىمداستىرىلاتىن گالا-كونتسەرتتە قازاقستاندىق ەسترادا انشىلەرىمەن ءبىر ساحنادا ونەر كورسەتەتىن بولادى.
قازىرگى كەزدە وتىنىشتەردى قابىلداۋ جالعاسۋدا. بايقاۋعا 18-30 جاستاعى جاس انشىلەر, اۋەسقوي جانە كاسىبي شىعارماشىلىق ۇجىمدار, انسامبلدەر مەن جەكە ورىنداۋشىلار قاتىسا الادى.
بايقاۋعا قاتىسۋ ءۇشىن ءوتىنىش-انكەتا, ءاننىڭ ساندىق تاسىمالداعىشتارعا جازىلعان نۇسقاسىن جانە سۋرەت جولداۋ كەرەك.
بايقاۋعا وتىنىشتەر مىنا مەكەنجاي بويىنشا قابىلدانادى: استانا قالاسى, بەيبىتشىلىك كوشەسى, 25 («وركەن» ىسكەرلىك ورتالىعى), كاب. 401. تەل.: +7(7172) 910845 نەمەسە e-mail: baiterek-press@mail.ru, «ءان جۇرەگىم – استانا!» بايقاۋىنا» بەلگىسىمەن قابىلدانادى.
