جاڭالىقتار
انيماترونيك اشىلدى
ەلورداداعى دەمالىس مۇيىستەرىنىڭ ءبىرى – «دۋمان» ساۋدا ويىن-ساۋىق ورتالىعىندا «كورالل اتا مەن مۋرەنكا» انيماترونيكسى ىسكە قوسىلدى.
اۋماعى 15 شارشى مەتردى الىپ جاتقان انيماترونيكتىڭ بيىكتىگى – 5 مەتر. ولار ءار ءتۇرلى ءىس-قيمىلدارمەن ەرەكشەلەنەدى. بۇل انيماتسيالىق كەيىپكەرلەر ادامنىڭ بارلىق قيمىلىن قايتالايدى. سويلەيدى, كوزىن قىسادى, قاسىن كوتەرەدى, قاجەت بولسا, مىنەز كورسەتەدى. بارلىق قيمىل-قوزعالىس كومپيۋتەرلىك باعدارلاما ارقىلى جۇرگىزىلىپ وتىرادى.
مۇنداعى ەكى كەيىپكەر ءوزارا سويلەسىپ, كەلۋشىلەرگە ءىلتيپات بىلدىرەدى. قازاق جانە ورىس تىلدەرىندە سويلەپ, استانا تۋرالى تولىق ماعلۇمات بەرەدى. ونىڭ ىشىندە «دۋمان» ويىن-ساۋىق ورتالىعى تۋرالى دا اقپارات ايتادى.
ەركەجان ساتىمبەك