ەلوردانىڭ تۋعان كۇنىنە وراي رەسپۋبليكا داڭعىلىندا ح «استانا سامالى» ۇرمەلى اسپاپتار وركەسترلەرى فەستيۆالىنە قاتىسۋشىلاردىڭ شەرۋى ءوتتى. بۇعان دەيىن 4 شىلدەدەن باستاپ ونەر ۇجىمدارىنىڭ مەرەكەلىك كونتسەرتتەرى «ستوليچنىي» جانە «جەتىسۋ» ساياباقتارىندا ۇيىمداستىرىلعان بولاتىن.
«استانا سامالى» فەستيۆالىنە استانانىڭ ءۇش جانە قاراعاندى مەن كوكشەتاۋ قالالارىنىڭ ءبىر-ءبىر ۇجىمدارى, سونداي-اق 220 مۋزىكانت قاتىستى. بيىلعى فەستيۆال فلەيتاشى قايروللا جۇمەكەنوۆتىڭ شىعارماشىلىعىنا ارنالدى.
– فەستيۆال قالانىڭ مادەني ومىرىندەگى جارقىن جانە قايتالانباس قۇبىلىس دەسەك تە بولادى. ونىڭ رەپەرتۋارى سان الۋان. ءار تىڭداۋشى مۇنىڭ ىشىنەن ءوزىنىڭ جۇرەگىنە جاقىن, كوڭىلىنە جاعاتىن تۋىندىنى تاۋىپ الاتىنى ءسوزسىز, – دەدى نۇر-سۇلتان قالاسى مەملەكەتتىك اكادەميالىق فيلارمونياسىنىڭ كونتسەرتتىك ءبولىمىنىڭ جەتەكشىسى, ۇيىمداستىرۋشىلاردىڭ ءبىرى نۇربول بالاپانوۆ.
6 شىلدە كۇنى قالالىق الاڭدا ۇرمەلى اسپاپتار وركەسترلەرىنىڭ پلاتس-كونتسەرتى ءوتتى.
