باس قالامىز جاقىن جىلدارى الەمدىك ساۋدا الاڭىنىڭ بىرىنە اينالادى. كەشە قالا اكىمى باقىت سۇلتانوۆ جەكە ينۆەستورلاردىڭ قارجىسىنا تۇرعىزىلاتىن جاھاندىق ساۋدا ورتالىعىنىڭ كاپسۋلاسىن سالۋ راسىمىنە قاتىستى.
– بۇگiنگi كۇن قالامىزدىڭ تاريحىندا ەستە قالادى دەپ ەسەپتەيمiن. ءبىز نۇر-سۇلتان قالاسىندا دۇنيەجۇزىلىك ساۋدا ورتالىقتارى قاۋىمداستىعىنىڭ تاعى ءبىر نۇكتەسىن قۇرۋ جونىندەگى ۇزاق جىلعى كەلىسسوزدەردى ىسكە اسىرۋدىڭ نەگiزگi كەزەڭىنە كوشتىك. بۇرىنعى ەكسپو اۋماعىندا, ال قازىر بەلسەندى دامىپ كەلە جاتقان «استانا» حالىقارالىق قارجى ورتالىعى ارقىلى الەمدىك برەندتەردى, ترانسۇلتتىق كورپوراتسيالاردى, ينۆەستيتسيالاردى تارتۋدىڭ تاعى ءبىر نۇكتەسىن قۇرۋدامىز. بۇل كەرەمەت جوبامىزدىڭ جۇزەگە اسۋىنا تىلەكتەسپىن, ال كەلەسى كەزدەسۋىمىزدى وسى عيماراتتىڭ ۇستىندە 350 مەتر بيiكتە وتكiزەيiك دەمەكپىن, – دەدى ب.سۇلتانوۆ.
ءوز كەزەگiندە «Nest Investments HOLDINGS» كومپانياسىنىڭ كورپوراتيۆتىك ينۆەستيتسيالار جونىندەگى ديرەكتورى مەحران ەفتەحار بۇل əلەمنiڭ 90 ەلi ۇسىنعان دۇنيە جۇزىندەگى ەڭ ءىرى ساۋدا قاۋىمداستىعىنىڭ بىرىنە اينالاتىنىن اتاپ ءوتتى.
– دۇنيەجۇزiلiك ساۋدا ورتالىعىنىڭ باستى ماقساتى – جاڭادان ساۋدا جəنە ينۆەستيتسيا جولدارىن قۇرۋ. نۇر-سۇلتان قالاسىمەن بiرلەسە وتىرىپ وسىنداي يگiلiكتi iسكە قول جەتكiزۋگە بولاتىنىنا قۋانىشتىمىز. بۇل – جاڭا جۇمىس ورنىن قۇرۋ, جاڭادان ينۆەستيتسيا, تەحنولوگيالار تارتۋ مۇمكiندiگi. بۇل جوبانىڭ بولاشاقتا دامۋىن اسىعا كۇتەمىز, – دەدى مەحران ەفتەحار.
ايتا كەتەيىك, بيىل جىل باسىندا ەلباسى نۇرسۇلتان نازارباەۆقا باس قالامىزداعى دۇنيەجۇزىلىك ساۋدا ورتالىعىنىڭ عيماراتىن سالۋ جوباسى تانىستىرىلعان بولاتىن. حالىقارالىق ساۋدا ورتالىقتارىنىڭ باسىم بولىگى ەۋروپا (100-دەن اسا) مەن اقش-تا (60-قا جۋىق) ورنالاسقان.
