استانادا ASTRA Plat ەلەكتروندى تولەم جۇيەسى ەكسپرەسس مارشرۋتتاردا قولدانىلا باستادى
ASTRA Plat ەلەكتروندى جۇيەسىنىڭ II كەزەڭى ىسكە قوسىلدى. كولىكتىك كارتالار ارقىلى قالانىڭ ەكسپرەسس مارشرۋتتارىندا جولاقىسىن تولەۋ ىڭعايلى بولا ءتۇستى.
قالاداعى قوعامدىق كولىكتەردىڭ قىزمەت كورسەتۋ ساپاسىن ارتتىرۋعا باعىتتالعان جانە ىشكى بيزنەس دامۋدىڭ العى شارتى بولىپ تابىلاتىن ASTRA Plat جۇيەسى استانانىڭ زياتكەرلىك كولىك جۇيەسىنىڭ جاڭا ءبولىمى. الەمدىك تاجىريبەگە سۇيەنسەك, 2-3 جىل كولەمىندە اتالمىش جوبا تولىقتاي ىسكە اسادى.
بۇگىنگى تاڭدا استانادا 35 اۆتوبۋس تاجىريبەلى تۇردە زاماناۋي تەحنولوگيامەن جابدىقتالىپ, قازان ايىنىڭ ورتاسىنان باستاپ, 4 ەكسپرەسس مارشرۋتقا ەنگىزىلدى. اتاپ ايتقاندا: № 101, 102, 103 جانە 105. ءار اۆتوبۋستا ەلەكتروندى تولەمدەر قابىلدايتىن ۆاليداتورلار ورناتىلعان.
ASTRA Plat ەلەكتروندى جۇيەسىنىڭ جۇمىسىن باقىلاپ كورۋ ءۇشىن جولاۋشىلار, ASTRA Plat كارتالارىن ساتىپ الۋلارى قاجەت.
انىقتاما: اتالمىش كارتانىڭ 3 ءتۇرى بار. ولار: قاراجات تولتىرىلاتىن, مەكتەپ وقۋشارىنا ارنالعان جانە جەڭىدىكتەرى بار كارتالار. بايلانىس مولشەرى جول ءجۇرۋ سانىمەن تەڭ كەلەدى. قاراجات تولتىرىلاتىن كارتا قۇنى – 400 تەڭگە. مەكتەپ وقۋشىلارى مەن جەڭىلدىكتەرى بار كارتالار تيەسىلى قالا تۇرعىندارىنا تەگىن تاراتىلادى. ال ۇيرەنشىكتى قولما-قول تولەم مەن قاعاز بيلەتتەر ازىرگە ءالى دە اينالىمدا.
ASTRA Plat جۇيەسىنىڭ ءىى كەزەڭى ەنگىزىلگەننەن كەيىن دە, ەكسپرەسس مارشرۋتتاردا جولاقى وزگەرمەيدى. ەرەسەكتەرگە 150 تگ, بالالارعا 70 تگ. تاريفتىك جوسپار بويىنشا, 10 رەت جول جۇرۋگە ارنالعان تولەم قۇيىلعاننان كەيىن, 11-ءشى مارتە تەگىن قاتىناۋ مۇمكىندىگى ۇسىنىلادى. ال 60 مينۋت ىشىندە Express مارشرۋتتان Express مارشرۋتقا وتىرساڭىز, ساپارىڭىزدى تەگىن جالعاستىرا الاسىز. جەڭىلدىكتەرگە يە بولعان, استانادا تىركەلگەن جولاۋشىلار تەگىن جول ءجۇرۋ قۇقىعىنا يە بولدى.
كولىكتىك كارتالاردى ارنايى كاسسالاردا جانە ساۋدا ۇيلەرى مەن ايالدامالار جانىندا ورنالاسقان RTVM اۆتوماتتارىنان ساتىپ الۋعا بولادى. وزگە دە ساتىلىم نۇكتەلەرىن alrt.kz سايتىنان جانە ASTRA Bus قوسىمشاسىنان قاراپ بىلۋگە بولادى.
ەلەكتروندى تولەم جاساۋ ءۇشىن اۆتوبۋسقا مىنگەننەن كەيىن كولىكتىك كارتانى جۇرگىزۋشى جانىنداعى ۆاليداتورعا تيگىزۋ كەرەك. تولەم 0,1 سەكۋندتا قابىلدانادى.
انىقتاما: ASTRA Plat ۇسىناتىن ەڭ نەگىزگى مۇمكىندىك مارشرۋتتاردىڭ قوزعالىس كەزىندەگى ۋاقىت ارالىعىن باقىلاۋ جانە قوعامدىق كولىكتەردىڭ جىلدامدىقتى ارتتىرماۋىن قاداعالاۋ, ودان بولەك ايالدامالاردا توقتاۋ ۇزاقتىعى دا ەسەپكە الىنادى. سونداي-اق, جاڭا جۇيەنىڭ ىسكە اسۋى كەزىندە ءتارتىپ جانە جول ساقشىلارى ءجيى ارنايى تەكسەرىس-باقىلاۋ جۇمىستارىن جۇرگىزىپ وتىرادى. اتالمىش جۇيە تولىعىمەن جۇزەگە اسىپ بولعاننان كەيىن, 4-كەزەڭى دە قولدانىسقا ەنگەننەن كەيىن ادەتتەگى قالىپتاسقان قولما-قول تولەم جاساۋدان جانە زەينەتكەرلەر مەن جەڭىلدىكتەرى بار تۇلعالار قاعاز قۇجاتتارىن كورسەتۋدەن, QR كودى بار ءبىر رەت پايدالانۋعا ارنالعان قاعاز بيلەتتەردەن قۇتىلۋعا بولادى.
سونىمەن قاتار, استانادا ASTRA Plat كولىكتىك كارتاسىن قالا ىشىندەگى قوعامدىق كولىكتەردە قولدانۋعا ەنگىزۋ قاراستىرىلعان جوبانىڭ ءىىى كەزەڭى قولعا الىندى. قازىردىڭ وزىندە №№10, 20, 29, 32, 61, 40, 6 مارشرۋتتا بۇل جۇيە ىسكە قوسىلعان.
ەستەرىڭىزگە سالا كەتەيىك, ASTRA Plat جول اقىسىن ەلەكتروندىق تولەۋ جۇيەسىنىڭ ءى كەزەڭى 2016 جىلدىڭ 30-شىلدەسىندە ەنگىزىلگەن بولاتىن. استانا ماڭىنداعى ەلدى-مەكەندەردى 4 ايماققا ءبولۋدىڭ ارقاسىندا كولىكتەردىڭ جول ءجۇرۋ باعالارىنا وزگەرىستەر ەنگىزىلدى. جۇيەلەردى ءبىر-بىرىمەن سايكەستەندىرگەندىكتەن جول اقىسىنىڭ قۇنى ورتاشا ەسەپپەن 50 تەڭگەدەن, كەيبىر ايماقتارعا 100 تەڭگەگە (ارشالىعا) جانە (باباتايعا) 120 تەڭگەگە دەيىن تومەندەتىلگەن. ال جەڭىلدىك كارتاسى بار جۇرگىنشىلەر قوعامدىق كولىكتەردە تەگىن جول ءجۇرۋ قۇقىعىنا يە بولدى.
astana.gov.kz
