باس قالاداعى جاڭادان سالىنىپ جاتقان گۇلزاردىڭ بىرىندە اسىق ويناۋعا ارنالعان الاڭ بولادى. ءۇش شەڭبەردەن تۇراتىن الاڭدا ءبىر مەزگىلدە 10 ادام اسىق ويناي الادى.
جاڭا گۇلزار پۋشكين كوشەسى, 15 «ب» مەكەنجايىندا ورنالاسقان. بۇعان دەيىن مۇندا 1961 جىلى سالىنعان ەكى قاباتتى اپاتتى جاعدايداعى تۇرعىن ءۇي بولعان. 2015 جىلى سۇرىلگەن ءۇيدىڭ ورنىنا گۇلزار سالۋ تۋرالى شەشىم قابىلدانعان. قازىر گۇلزار اۋماعىندا بالالارعا ارنالعان الاڭقايلار مەن سپورت الاڭى, ءتۇرلى سپورتتىق جابدىقتار ورناتىلۋدا. جوسپار بويىنشا گۇلزار قۇرىلىسى 30 ماۋسىمعا دەيىن اياقتالۋى ءتيىس. مەردىگەر كومپانيا وكىلى مەدياحات تەمىرباەۆتىڭ ايتۋىنشا, جۇمىستىڭ 90 پايىزى اياقتالعان.
استانا قالاسى اكىمدىگىنىڭ قولعا الۋىمەن شاھارداعى سۇرىلگەن ۇيلەردىڭ ورنىنا گۇلزارلار مەن جەلەكجولدار پايدا بولۋدا. بيىلدىڭ وزىندە ەلوردانىڭ 120 گەكتار اۋماققا جاڭا ساياباقتار پەن گۇلزارلار سالىنعان.
اينۇر بەكوۆا
