جاڭالىقتارقالا تىرشىلىگى
استانادا ءبىلىم بەرۋ نىساندارىنىڭ قاسىندا جىلدامدىقتى شەكتەۋ مىندەتتەلدى
استانالىق جۇرگىزۋشىلەرگە مەكتەپ جانە بالاباقشا ماڭىندا جىلدامدىقتى 40 كم/س-قا دەيىن ازايتۋعا مىندەتتەلەدى.
ارنايى وسى ءۇشىن ءبىلىم بەرۋ نىساندارىنىڭ قاسىنا «جىلدامدىقتى شەكتەۋ» جانە «بالالار» ەسكەرتۋ بەلگىلەرى ورناتىلدى.
جەرگىلىكتى پوليتسيا قىزمەتىنىڭ مالىمەتى بويىنشا ەكى كۇندە مەكتەپ پەن بالاباقشالار ماڭىنداعى جىلدامدىق رەجيمىنە قاتىستى 500-دەن استام ەرەجە بۇزۋشىلىق تىركەلگەن.
«جولدا ءجۇرۋ ەرەجەلەرىنە سايكەس, «جىلدامدىقتى شەكتەۋ» بەلگىسى بويىنشا جىلدامدىقتى 40 كم/س-قا دەيىن ازايتۋ كەرەك. سونىمەن بىرگە, بالالار مەكەمەسىنىڭ ماڭىندا جىلدامدىقتى ازايتۋ ءۇشىن جاساندى جول كەدەرگىلەرى توسەلەدى» دەيدى استانا ءىىد جەرگىلىكتى پوليتسيا قىزمەتىنىڭ ءباسپاسوز قىزمەتى.
