استانادا «بىرلەسىپ باسقارۋ – بولەك جاۋاپكەرشىلىك» جوباسى تانىستىرىلدى.

قازاقستاننىڭ ءتورت وڭىرىندە اۋىلداعى ازاماتتىق باستامالاردى ىسكە اسىرۋعا باعىتتالعان جوبا باستالادى, دەپ حابارلايدى astana-akshamy.kz

وسى ماقساتتا استانادا «بىرلەسىپ باسقارۋ – بولەك جاۋاپكەرشىلىك» جوباسى تانىستىرىلدى.
ءىس-شاراعا قر مام, قر ۇەم, ازاماتتىق باستامالاردى قولداۋ ورتالىقتارى, وبلىستىق اكىمدىكتەر وكىلدەرى, ساراپشىلار مەن ازاماتتىق سەكتور وكىلدەرى قاتىستى.

جوبانى اقش-تىڭ حالىقارالىق دامۋ اگەنتتىگىنىڭ (USAID) قولداۋىمەن «دەسەنتا» قورى ىسكە اسىرادى. جەرگىلىكتى باسقارۋ جۇيەسى, ءوزىن-ءوزى باسقارۋ مەن ازاماتتىق قوعام ۇيىمدارى ءوزارا ءتيىمدى ارەكەت ەتىپ, جەرگىلىكتى پروبلەمالاردى بىرلەسىپ شەشۋ الەۋەتىن نىعايتۋ ماقساتىندا قر مام, قر ۇەم تاراپىنان ۇيلەستىرۋ ارقىلى جوبا جۇزەگە اسادى.

جوبانى ەنگىزۋ پاۆلودار, باتىس قازاقستان وبلىسى, جەتىسۋ جانە ۇلىتاۋ وبلىستارىندا جوسپارلانعان.

قر مام ازاماتتىق ىستەر كوميتەتى توراعاسىنىڭ م.ا. گۇلبارا سۇلتانوۆا قاتىسۋشىلارعا قر-داعى ازاماتتىق قوعامنىڭ دامۋى مەن ۇەۇ-نىڭ مەملەكەتتەگى الەۋمەتتىك-ەكونوميكالىق دامۋعا قوسقان ۇلەسى تۋرالى ناقتى ايتىپ بەردى, سونداي-اق وسى جوبانى ىسكە اسىرۋدا قورعا قاجەتتى كومەك كورسەتۋگە دايىن ەكەنىن ءبىلدىردى.

وسى ءتورت جىلدىق جوبا شەڭبەرىندە اۋىلدىق وكرۋگتەردى قولداۋعا, جەرگىلىكتى بيۋدجەتتەردى جوسپارلاۋداعى تيىمدىلىكتى ارتتىرۋعا, جەرگىلىكتى مەملەكەتتىك باسقارۋ ورگاندارىنا مەملەكەتتىك فۋنكتسيالاردى باسەكەلەستىك ورتاعا بەرۋ ءۇشىن فۋنكتسيونالدىق شولۋلار جۇرگىزۋگە كومەكتەسۋگە, ارنايى باعدارلامالىق قامتاماسىز ەتۋدى ازىرلەۋ جانە ەنگىزۋ ارقىلى مەملەكەتتىك الەۋمەتتىك تاپسىرىس جۇيەسىن جاقسارتۋعا باعىتتالعان ءىس-شارالار جوسپارلاندى.

سونداي-اق, «حالىق قاتىساتىن بيۋدجەت» باعدارلاماسىن ىسكە اسىرۋدى جەتىلدىرۋ بويىنشا ۇسىنىستار ازىرلەۋ قاراستىرىلدى.