ەلورداداعى بەيبىتشىلىك جəنە كەلىسىم سارايىندا «WORLD BEAUTY ASTANA-2016» اتاۋىمەن əلەمدىك سəن جəنە سۇلۋلىق فەستيۆالىنىڭ گراند فينالى ءوتىپ جاتىر. سəن يندۋسترياسى ءۇشىن مəن-ماڭىزى ايرىقشا بۇل جوبانىڭ əسەم استانادا وتۋىنە قالا əكىمدىگى قولداۋ ءبىلدىرىپ وتىر. بۇگىننەن باستاۋ العان اتالمىش شارا 5 قاراشاعا دەيىن جالعاسپاق.
وعان əلەمدىك جəنە وتاندىق, سونداي-اق, كورشى رەسەي ەلىنەن كەلگەن قازىلار القاسى تورەلىك ەتۋدە.
جىل سايىن بۇل فەستيۆال əلەمنىڭ ءتۇرلى ەلدەرىندە ءوتىپ وتىرادى ەكەن. مىسالى, بىلتىرعى جىلى ۆەتنام قالاسىندا وتكەن بولسا, بيىل سايىس ۇيىمداستىرۋشىلارىنىڭ ءبىراۋىزدان قولداۋىنىڭ نəتيجەسىندە اسقاق استانادا وتۋىنە مول مۇمكىندىك جاسالدى.
ەستەتيكا مەن جوعارى تالعام, سىمباتتىلىق پەن ونەرپازدىق ءوزارا ۇيلەسىم تاپقان شارادا 120-دان استام قاتىسۋشى ءوزارا باق سىناۋدا. جاس ەرەكشەلىكتەرى دە ءəرتۇرلى, ياعني 3-40 جاس ارالىعىندا.
– فەستيۆالدىڭ اشىلۋ سالتاناتىنا بىرقاتار كورشى ەلدەردەن جاس ونەرپازدار, حالىقارالىق بايقاۋلاردىڭ جۇلدەگەرلەرى قاتىسۋدا. بايقاۋ ەكى كۇن قاتارىنان وتەدى دەپ جوسپارلاپ وتىرمىز. ال 5 قاراشا كۇنى شىن جۇيرىكتى, ناعىز جەڭىمپازدى انىقتاي وتىرىپ, سالتاناتتى شارانىڭ شىمىلدىعىن گالا-كونتسەرتپەن تۇرەمىز, – دەيدى «World Beauty» كومپانياسىنىڭ باس پروديۋسەرى ۆاديم حۋساينوۆ.
ال بۇعان دەيىن سəن مەن سۇلۋلىق دوداسىنىڭ ىرىكتەۋ كەزەڭدەرى بىرنەشە ساتىلاردان ءوتتى. مəسەلەن, شىلدە ايىندا قازاقستاندا وتكەن بولسا, رەسەي ەلىندە ناۋرىزدا ءوتتى. وسىلايشا, جۇزدەن جۇيرىك اتانعان ونەرپازدار بۇگىنگى اقتىق سىنعا جولداما الىپ وتىرسا كەرەك-ءتى.
ايتا كەتۋ كەرەك, بۇل بايقاۋ جاس ەرەكشەلىكتەرىنە ساي «Little», «Mini», «Teens», «Young» جəنە «Miss» سەكىلدى نوميناتسيالاردى قامتىپ وتىر.
ءƏمىر دوسقوجا
