2016 جىلى 3 قاراشا كۇنى ساعات 22.00-دە «استانا ارەنا» الاڭىندا استانا (قازاقستان) مەن وليمپياكوس (گرەكيا) اراسىنداعى حالىقارالىق فۋتبول ماتچى وتەدى.
وسىعان وراي 3 قاراشا ساعات 20.00-دە قابانباي باتىر جانە تۇران داڭعىلىنىڭ كەرەي جانىبەك حاندار كوشەسىنەن حۋسەين بەن تالال كوشەسىنە دەيىن جول قوزعالىسى توقتاتىلادى. تىيىم سالۋ ءىس-شارا اياقتالعانعا دەيىن سوزىلادى. ورىنبور كوشەسىمەن جول اينالۋ قوزعالىسى ۇسىنىلادى.
استانا ق. ءىىد جەرگىلىكتى پوليتسيا قىزمەتى جۇرگىزۋشىلەردەن جولدا مۇقيات بولۋىن جانە جۇرتشىلىقتىڭ پايداسىنا جەكە جول كولىكتەرىنەن باس تارتۋدى سۇرايدى. استانا ق. حالىقارالىق اۋەجايىنا جول ءجۇرۋدى جوسپارلاعان ازاماتتارعا جانە جاقىن اۋداندارداعى تۇرعىندارعا الدىن-الا بالامالى جول قوزعالىسىن جوسپارلاۋدى ۇسىنامىز.
فۋتبول ماتچى جانكۇيەرلەرىنە جينالۋ جانە جەتكىزۋ ارنايى رەيستارمەن بەس پۋنكتتەن كەلەسى مەكەن-جاي بويىنشا جۇرگىزىلەدى:
- «قازاقستان» سك كولىك تۇراعىنان (قاجىمۇقان كوشەسى);
- «حازرەت سۇلتان» مەشىتىنەن (قوشقارباەۆا داڭعىلى);
- «نۇر استانا» مەشىتىنەن (شىعىس جاعىنىڭ كولىك تۇراعى );
- قالالىق تسيرك كولىك تۇراعىنان (قورعالجىن شوسسەسى كولىك تۇراعى);
- مۇڭايتپاسوۆ اتىنداعى الاڭ كولىك تۇراعىنان (كەنەسارى كوشەسى).
