استانا
ەلورداداعى 45 قاباتتى «ءزۇبارجات كۆارتال» (ب بلوگى) اكىمشىلىك عيماراتى gosreestr.kz ەلەكتروندى ساۋدا الاڭىنا شىعارىلدى. نىساندى «قازمۇنايگاز-سەرۆيس» جشس ساۋداعا سالعان. جالپى اۋدانى 100 923,7 شارشى مەتردى قۇرايتىن عيماراتتىڭ باستاپقى باعاسى – 24 ميلليارد 83 ميلليون 228 مىڭ تەڭگە.
الماتى
«الماتى ارەنادا» فۋتزالدان ستۋدەنتتەر اراسىنداعى الەم چەمپيوناتى اشىلدى. تۋرنيرگە 17 ەلدەن 25 كوماندا قاتىسىپ وتىر. بۇل جولى قاتىسۋشىلاردىڭ سانى 16 جىلدىڭ ىشىندە رەكوردتىق مەجەگە جەتكەن.
اقمولا وبلىسى
بۋرابايدا 200 ادامنىڭ قاتىسۋىمەن «Colorfest Burabay» فەستيۆالى ءوتتى. «Burabayland» پاركىنىڭ اۋماعىندا ۇيىمداستىرىلعان شارا بارىسىندا قاتىسۋشىلار ءبىر-ءبىرىنىڭ ۇستىنە بوياۋ شاشتى.
پاۆلودار
پاۆلودار قالاسىنىڭ ءبىلىم ءبولىمى مەكتەپتەر ءۇشىن قازاق, ورىس, سونداي-اق اعىلشىن تىلىندەگى 428 047 كىتاپتى ساتىپ الدى. جاڭا فورماتتاعى وقۋلىقتار مەن ءادىستەمەلىك قۇرالداردىڭ ەلەكتروندىق نۇسقالارى دا بار.
قوستاناي وبلىسى
ليساكوۆ قالاسىندا وتكەن «تىڭ تسەلينا-2018» 33-ءشى وبلىستىق سپارتاكياداسىنا بيىل 27 مىڭنان استام ادام قاتىستى.
اتىراۋ
اتىراۋدا 91 مەترلىك تۋتۇعىردىڭ قۇرىلىسى باستالدى. ول ءا.جانگەلدين-قۇلمانوۆ كوشەلەرىنىڭ قيىلىسىندا, كولەمى 112 شارشى مەتر بولاتىن جاڭا الاڭدا ورنالاسادى. بۇل قالانىڭ بارلىق جاعىنان كورىنەتىن ەڭ بيىك نىسان بولماق.
شىعىس قازاقستان وبلىسى
كەلەسى جىلى وسكەمەندە جانە احميروۆو اۋىلىندا 1000 ورىندىق مەكتەپتەردىڭ قۇرىلىستارى اياقتالىپ, پايدالانۋعا بەرىلەدى.
