استانا
استانادا جەدەل مەديتسينالىق جاردەم بريگادالارىنىڭ ءىىى رەسپۋبليكالىق جارىسى باستالدى. جارىسقا قاتىسۋشىلارعا رەسەي, اقش, يزرايل, قىتاي, مالايزيا, وزبەكستان جانە قازاقستاننىڭ جەتەكشى ماماندارى شەبەرلىك ساباقتارىن وتكىزدى.
قاراعاندى
قاراعاندىدا «نۇرلى جەر» باعدارلاماسىمەن سالىنعان بەس قاباتتى تۇرعىن ءۇي پايدالانۋعا بەرىلدى. بيريۋزوۆ كوشەسىندە بوي كوتەرگەن ۇيدەن باسپاناعا مۇقتاج وتباسىلار پاتەرگە يە بولدى.
شىعىس قازاقستان وبلىسى
شىعىس قازاقستان وبلىسىندا الەمگە ايگىلى بەرەل قورعاندارى اۋماعىندا اشىق اسپان استىنداعى مۋزەي اشىلدى. بەرەل قورعاندارى – قازاقستانداعى ساق ءداۋىرى كەزەڭىنىڭ ورگانيكالىق زاتتارى ساقتالعان جالعىز تاريحي ەسكەرتكىش.
قوستاناي وبلىسى
قوستاناي وبلىسىندا جاستاردىڭ 143 الەۋمەتتىك جوباسى گرانتتىق قارجىلاندىرۋعا يە بولدى. بۇل جوباعا 14-29 جاس ارالىعىنداعى جاستار قاتىسا الادى.
اقمولا وبلىسى
جاڭا وقۋ جىلىندا تسەلينوگراد اۋدانىنا قاراستى قاراجار اۋىلىندا 120 ورىندىق جاڭا مەكتەپ پايدالانۋعا بەرىلدى. زاماناۋي ۇلگىدە سالىنعان, جالپى اۋماعى 554 شارشى مەتر بولاتىن مەكتەپ قاجەتتى كەرەك-جاراقتارمەن قامتاماسىز ەتىلگەن.
سولتۇستىك قازاقستان وبلىسى
م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە «Qyzyljar» اتتى ستۋدەنتتەرگە قىزمەت كورسەتەتىن العاشقى ورتالىق اشىلدى. ورتالىقتا قۇجاتتاردى قابىلداۋ-بەرۋ تەرەزەسى, وزىنە-ءوزى قىزمەت كورسەتۋ بۇرىشى بار. كەڭەسشىلەر تاجىريبەلىك جانە ادىستەمەلىك كومەك كورسەتەدى.
