ەكسپو كورمەسى اياسىندا باس قالاعا ەلدىڭ تۇكپىر-تۇكپىرىنەن 40 مىڭنان استام وقۋشى كەلەدى. قالا اكىمدىگى الەۋمەتتىك جاعدايى تومەن وتباسى ساناتىنداعى جانە دارىندى وقۋشىلارعا كورمەنى تەگىن ارالاپ كورۋ مۇمكىندىگىن بەرىپ وتىر.
ولاردىڭ العاشقى لەگى استاناعا كەلە باستادى. الدىمەن ايتۋلى شارانى ءوز كوزىمەن كورۋ ءۇشىن اقتوبەلىك 160 وقۋشى كەلگەن بولسا, بۇرناعى كۇنى الماتى وبلىسىنان – 215, ماڭعىستاۋ وبلىسىنان 97 وقۋشى باس قالاعا ات باسىن تىرەدى.
استانا اكىمدىگى ۇيىمداستىرىپ وتىرعان شارا بارىسىندا بالالار ءۇشىن ەكى كۇندىك ارنايى باعدارلاما ۇيىمداستىرىلعان. ءبىرىنشى كۇنى «ەكسپو-2017» كورمەسىن ارالاسا, كەلەسى كۇنى ەلوردانىڭ اسەم جەرلەرىنە ساياحات جاسايدى.
ءار ءوڭىردىڭ دەلەگاتسياسىنا استانانىڭ ءبىلىم باسقارماسى مەن وقۋ ورىندارىنىڭ ديرەكتورلارىنان قۇرىلعان جاۋاپتى تۇلعالار بەكىتىلگەن. بالالاردىڭ كەلۋىنەن باستاپ ولاردى ورنالاستىرىلۋ, كورمەگە اپارۋ, قالانىڭ ىشىندەگى ساياحات جانە شىعارىپ سالۋ قاتىناسىنىڭ باعىتى بەلگىلەنگەن. وقۋشىلاردى «Astana LRT» كومپانياسى ۇسىنعان قولايلى جاڭا اۆتوبۋستارمەن تاسىمالدايدى. بالالاردىڭ قاۋىپسىزدىگى ءۇشىن تاۋلىك بويى جۇمىس ىستەيتىنىن احۋال ورتالىعى دا ىسكە قوسىلعان.
گۇلجان راحمان
