ۇكىمەت ۇيىندە قر پرەمەر-ءمينيسترى باقىتجان ساعىنتاەۆ سۋ شارۋاشىلىعى جانە ەلىمىزدە سۋارمالى ەگىنشىلىكتى ودان ءارى دامىتۋ ماسەلەلەرى جونىندە سەلەكتورلىق كەڭەس وتكىزدى.
كەڭەس بارىسىندا استانانىڭ سۋ قاۋىپسىزدىگىن قامتاماسىز ەتۋ جانە سۋمەن جابدىقتاۋ ماسەلەلەرى, سونداي-اق سۋارمالى ەگىنشىلىك جۇيەسىن جەتىلدىرۋدىڭ پەرسپەكتيۆالىق جوبالارىنا قاتىستى ماسەلەلەر تالقىلاندى.
كەڭەستە ءسوز سويلەگەن پرەمەر-ءمينيستردىڭ ورىنباسارى – قر اۋىل شارۋاشىلىعى ءمينيسترى ءو.شوكەەۆ, قر اشم جاۋاپتى حاتشىسى ا.مامىتبەكوۆ, قر اشم سۋ رەسۋرستارى كوميتەتىنىڭ توراعاسى ي.ابىشەۆ قازىرگى جاعدايعا جاسالعان تالداۋ مەن العا قويىلعان مىندەتتەر بويىنشا بىرقاتار شەشىمدەردى ۇسىندى. اتاپ ايتقاندا, قورعانىس بوگەتىن رەكونسترۋكتسيالاۋ, تاسقىن سۋلاردان قورعاۋ, ەلوردانى اۋىزسۋمەن جابدىقتاۋدىڭ ساقتىق كوزىن جانە جاڭا سۋ قويماسىن سالۋ, سونداي-اق سۇرانىسقا يە سۋارمالى جەرلەردى قالپىنا كەلتىرۋ جونىندەگى تاسىلدەر قارالدى.
ماسەلەنى تالقىلاۋعا بەينەكونفەرەنتسيا رەجىمىندە ۇلتتىق ەكونوميكا ءمينيسترى ت.سۇلەيمەنوۆ, قارجى ءمينيسترى ءا.سمايىلوۆ, ينۆەستيتسيالار جانە دامۋ ءمينيسترى ج.قاسىمبەك, استانا اكىمى ب.سۇلتانوۆ پەن اقمولا وبلىسىنىڭ اكىمى م.مىرزالين قاتىستى.
