جىل سايىن 17 قاراشادا بۇكىل الەمدە حالىقارالىق شالا تۋعان بالالار كۇنى اتاپ وتىلەدى. وسى كۇنى حالىقتى مەرزىمىنەن بۇرىن بوسانۋ تۋرالى اقپاراتتاندىرۋ جانە مەرزىمىنەن بۇرىن تۋعان سابيلەردىڭ قاجەتتىلىكتەرىنە نازار اۋدارۋ ماقساتىندا ساۋلەت قۇرىلىستارىن جارىقتاندىرۋ اكتسيالارى وتەدى.
وسى كۇنى, سونداي-اق, نيۋ-يوركتەگى ەمپاير-ستەيت-بيلدينگ جانە ىستامبۇلداعى بوسفور كوپىرى اقشىل كوك تۇسپەن جارىقتاندىرىلادى, ال كوپتەگەن تانىمال تۇلعالار اقشىل كوك ءتۇستى كيىم كيىپ شىعادى.
ەسكە سالساق, بۇگىنگى كۇنى ەلوردالا 466 توسەك ورىنعا ەسەپتەلگەن ءۇش پەريناتالدى ورتالىق جانە 45 توسەك ورىنعا ەسەپتەلگەن University Medical Center كورپوراتيۆتىك قورىنىڭ فيليالى انا مەن بالا ۇلتتىق عىلىمي ورتالىعى جۇمىس ىستەيدى. اتالعان مەكەمەلەردە ەلوردالىق جانە ايماقتاردان كەلگەن جۇكتى ايەلدەرگە, بوسانعاندارعا جانە جاڭا تۋعان نارەستەلەرگە بىلىكتى مەديتسينالىق كومەك كورسەتىلەدى.
بوساناتىن ايەلدەرگە دارىگەرلىك جاردەم بەرۋ شارالارىن كۇشەيتۋ شارالارى بەلسەندى تۇردە جۇرگىزىلۋدە, قالا اكىمدىگى سوڭعى بەس جىلدا 1300 قۇرال-جابدىق پەن سانيتارلىق كولىكتەر ساتىپ العان.
astana.gov.kz
