اتا زاڭعا بەينەبايان ارنادى
ەلوردا فيلارمونياسىنىڭ انشىلەرى كونستيتۋتسيا كۇنىنە ارناپ بەينەبايان ءتۇسىردى. ەلوردا ونەرپازدارى قالامىزدىڭ كورنەكى جەرلەرىن ارالاپ, اسەم ەسكەرتكىشتەرىنىڭ جانىندا ەرنۇر ازىمباەۆتىڭ «ماڭگىلىك ەل» پاتريوتتىق ءانىن ورىندادى. اتا زاڭنىڭ 25 جىلدىعىنا وراي تۇسىرىلگەن مەرەكەلىك بەينەبايان قازاقستاندىقتارعا ەلوردادان ەستە قالارلىق تارتۋ رەتىندە ۇسىنىلدى.
1995 جىلى 30 تامىزدا قازاقستان رەسپۋبليكاسى كونستيتۋتسياسىنىڭ قابىلدانۋى قازاق حالقىنا نەگىزگى قۇقىق پەن بوستاندىق بەردى. زاڭنىڭ ۇستەمدىگى قازىردىڭ وزىندە ەلدى ماڭىزدى ناتيجەلەرگە جەتكىزدى جانە ونىڭ ءارى قاراي دامۋىنا ىقپال ەتۋدە. قازاقستاندى مودەرنيزاتسيالاۋدا ەلوردامىز دا ەلەۋلى ۇلەس قوستى. سوندىقتان نۇر-سۇلتان فيلارمونياسىنىڭ جاڭا جوباسىندا باس قالانىڭ ەڭ قىزىقتى ساۋلەتتىك كومپوزيتسيالارى مەن عيماراتتارىنىڭ اسەمدىگىن دە بارىنشا قامتىپ, مەرەكەلىك كوڭىل كۇيلەرىن ءان شاشۋمەن جەتكىزدى.
«فيلارمونيا ارتىستەرىنىڭ مەرەكەلىك سىيى ءبىزدىڭ ەلىمىزدىڭ پاتريوتتارىن قۋانتادى دەپ سەنەمىن» دەدى نۇر-سۇلتان قالاسى فيلارمونياسىنىڭ باس ديرەكتورى ەرلان داكەنوۆ.
«كونستيتۋتسيا» بەينەبايانىنا ەلوردا فيلارمونياسىنىڭ سوليستەرى ەستاي مۇقاشەۆ, دوس, ديانا ماەۆا, ديحان يلياشەۆ, مۇراتبەك حايرولدا, نۇربول بالاپانوۆ, ايدىن جۇماباەۆ, شاحريزادا جانە بيبىگۇل تىنىشتىق, اكىمحان ماجەنوۆ, اقبوتا قۇسنادين جانە ءداستۇر اسىلحان ورىندادى.