نۇر-سۇلتان اۋەجايىندا 1-14 قازان ارالىعىندا كۇشەيتىلگەن تەكسەرۋ شارالارى ەنگىزىلەدى. بۇل تۋرالى اتالعان حالىقارالىق اۋەجايدىڭ ءباسپاسوز حاتشىسى ءانۋار شالەكەنوۆ مالىمدەدى.
«قازاقستاننىڭ اۆياتسيالىق اكىمشىلىگى» اق-نىڭ اۆياتسيالىق قاۋىپسىزدىك شارالارىن كۇشەيتۋ قاجەتتىلىگى تۋرالى راديوگرام- ماسى نەگىزىندە نۇرسۇلتان نازارباەۆ حالىقارالىق اۋەجاي جولاۋشىلاردى تەكسەرۋ ءتارتىبىنىڭ كۇشەيتىلگەنىن حابارلايدى. وسىعان بايلانىستى 1-14 قازان ارالىعىندا حالىقارالىق ۇشۋ تەرمينالى اۋماعىنا تىيىم سالىنعان زاتتاردىڭ جەتكىزىلۋىن بولدىرماۋ ءۇشىن ءبىرىنشى تەكسەرۋ جەلىسى قويىلدى» دەلىنگەن حابارلامادا. اۆياتسيالىق قاۋىپسىزدىك شارالارىنىڭ كۇشەيۋىنە بايلانىستى اۋەجايدىڭ ءباسپاسوز قىزمەتى جولاۋشىلاردان اۋەجايعا ەرتەرەك كەلۋدى سۇرايدى.
