قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي 30 قىركۇيەك پەن 2 قازان ارالىعىندا ەلوردامىزداعى جالپى ورتا ءبىلىم بەرەتىن مەكەمەلەرىنىڭ وقۋشىلارى – «جاس سارباز» جاسوسپىرىمدەر اسكەري-پاتريوتتىق قوزعالىسى رەسپۋبليكالىق قوعامدىق بىرلەستىگىنىڭ ۇزدىك تاربيەلەنۋشىلەرىنىڭ قاتىسۋىمەن «جاس سارباز – تاۋەلسىزدىك تىرەگى» كۇزگى اسكەري-پاتريوتتىق ويىندارى باستالدى.
«جاس cارباز» جاسوسپىرىمدەر اسكەري-پاتريوتتىق قوزعالىسى رقب ەلوردالىق فيليالى ۇيىمداستىرعان بۇل ءىس-شارا نۇر-سۇلتان قالاسى اكىمدىگى, «استانا جاستارى» كمم, قازاقستان رەسپۋبليكاسى قارۋلى كۇشتەرىنىڭ ۇلتتىق اسكەري-پاتريوتتىق ورتالىعى جانە نۇر-سۇلتان قالاسى قورعانىس ىستەرى دەپارتامەنتىنىڭ قولداۋىمەن جۇرگىزىلىپ وتىر. ادەتتەگىدەي, اسكەري بولىمدەردىڭ بازاسىندا كەزەكتەسىپ جۇرگىزىلەتىن جارىستار بۇل جولى قالامىزداعى ۇلتتىق ۇلاننىڭ 5573 اسكەري ءبولىمىنىڭ اۋماعىندا وتۋدە. سالتاناتتى اشىلۋ ءراسىمى 5573 اسكەري ءبولىمى اسكەري ءانسامبلى كونتسەرتىمەن باستالدى. وقۋشىلارعا اسكەري قارۋ-جاراقتار مەن تەحنيكانىڭ تۇرلەرى, ساربازداردىڭ تۇرمىس-تىرشىلىگى مەن ورىندايتىن تاپسىرمالارى, قويان-قولتىق ۇرىس پەن جەكپە-جەك تاسىلدەرى كورسەتىلدى. جاس ساربازدار كوماندالارى بەلتەمىرگە تارتىلۋ, اۆتوماتتى بولشەكتەۋ, حيميالىق قارۋدان قورعانىش كوستيۋمىن كيۋ, العاشقى مەديتسينالىق كومەك كورسەتۋ بويىنشا نورماتيۆتيۆتەردى ورىنداۋدان كۇش سىناستى.
«جاس سارباز» جاسوسپىرىمدەر اسكەري-پاتريوتتىق قوزعالىسى رقب نۇر-سۇلتان قالالىق فيليالىنىڭ توراعاسى اسحات نالشىبەك:
– ءىس-شارامىز تاربيەلەنۋشىلەرىمىز ءۇشىن كۇزگى مەزگىلدەگى اسكەري قولدانبالى سپورتتىق جارىستاردىڭ ىشىندەگى اسىعا كۇتەتىن جانە ۇزدىك «جاس ساربازدىقتار» انىقتالاتىن ەرەكشە پلاتفورما بولىپ ەسەپتەلەدى. جۇزدەن جۇيرىك شىققان جاسوسپىرىمدەر رەسپۋبليكالىق VII «ايبىن» اسكەري-پاتريوتتىق جيىندارىندا ەلوردامىزدىڭ نامىسىن قورعايدى, – دەدى.
نۇر-سۇلتان قالاسى قورعانىس ىستەرى دەپارتامەنتىنىڭ باستىعى مۇرات بەرەكپولوۆ:
– ءىس-شارالار سانتيرارلىق تالاپتاردى قاتاڭ ساقتاي وتىرىپ وتكىزىلۋدە. بۇگىنگى جارىستاعى جاسوسپىرىمدەر – ەرتەڭ ەل تىنىشتىعىن قورعايتىن ازاماتتار. وسى سەبەپتى اسكەري-پاتريوتتىق ءتالىم-تاربيە بەرۋدىڭ ارقاشاندا جاستار تاربيەسىندە الار ورىنى زور! – دەپ وي تۇيىندەدى. سونداي-اق ءوز سوزىندە ءار ادامنىڭ ومىرىنە قاجەتتى قاسيەتتەر تۋرالى ايتتى.
