تاجىكستان مەن اۋعانستان شەكاراسى ماڭىندا اسكەر مولايدى. تاجىك بيلىگى تالىپتەردى مويىندامايتىنىن بىردەن اڭعارتتى. وعان تاليباننىڭ اۋعانستانداعى ەتنيكالىق تاجىكتەردىڭ مۇددەسىن ەسكەرمەۋى, پاندجشەردە قۋعىنداۋ ساياساتىن ۇستانۋى دا سەبەپكەر بولۋدا.
راحمون تالىپتەردى مويىندامايتىنىن انىق كورسەتۋ ماقساتىندا 2 قىركۇيەك كۇنى احماد شاح ماسۋدتى يسمويل سوموني وردەنىمەن ماراپاتتادى. سونىمەن قاتار اتالمىش ماراپات اۋعانستاننىڭ پرەزيدەنتى بولعان بۋرحانۋددين راببانيگە دە بەرىلدى. دۋشانبە تاليبانعا قارسى سوعىسقان تۇلعالاردى ۇلىقتاپ, قازىرگى بيلىكتى مويىندامايتىنىن كورسەتتى. تالىپتەر بولسا دۋشانبە ەلدىڭ ىشكى ىسىنە ارالاسىپ وتىر دەگەندى ايتادى. وسىدان كەيىن تاليبان تاجىكستانمەن شەكارالاس ايماققا مىڭداعان ارنايى جاساعىن جىبەرگەنىن مالىمدەسە, تاجىكستان اۋعانستان شەكاراسىندا ۇلكەن اسكەري جاتتىعۋ وتكىزدى. ايتا كەتەيىك, اۋعانستان حالقىنىڭ تورتتەن ءبىر بولىگى – ەتنيكالىق تاجىكتەر. ال تاليبان قوزعالىسىنىڭ باسىم بولىگى وسى ەلدەگى ەڭ ءىرى ەتنيكالىق توپ – پۋشتۋنداردان قۇرالعان.
