ەلوردادا بالالاردىڭ كوڭىل كوتەرىپ, بوس ۋاقىتتارىن پايدالى وتكىزۋگە بولاتىن ورىندار سانى از ەمەس. جاقىندا ولاردىڭ قاتارى تاعى دا ارتتى. باس قالامىزدىڭ الماتى اۋدانىندا جاڭادان اۋلا كلۋبتارى اشىلدى.
جاقىندا اشىلعان Balausa كلۋبىنىڭ باستى ارتىقشىلىعى ءمۇمكىندىگى شەكتەۋلى بالالاردىڭ جاعدايىن نازاردان تىس قالدىرماعان. قامكوڭىل بالالار قاتارلاستارىمەن بىرگە ۇستەل تەننيسى, شاحمات, توعىزقۇمالاق, بوكس, قازاقشا كۇرەس جانە دومبىرا ۇيىرمەلەرىنە قاتىسۋعا بولادى. ورتالىقتىڭ بۇعان قوسا كوپ بالالى جانە از قامتىلعان وتباسىلارعا دا, قارتتارعا دا ەسىك اشىق.
ال «ساندىق» ورتالىعى قولدانبالى ونەر سالاسىنا باسا نازار اۋدارادى. ونەر جانە قولونەر داعدىلارىمەن قوسا, مۇندا تىگىن, مودەلدەۋ جانە كيىم ديزاينى بويىنشا ساباقتار جۇرگىزىلەدى. جەتكىنشەكتەردىڭ وسى سالاداعى قىزىعۋشىلىعىن ارتتىرا ءتۇسۋ ءۇشىن جاعدايدىڭ ءبارى قاراستىرىلعان.
سول سياقتى جاستاردىڭ بيگە ارنالعان ۇيىرمەسى دە نازاردان تىس قالمادى. وسى ماقساتتا 23 style اۋلا كلۋبىندا برەيك-دانس ۇيىرمەسى اشىلدى. جاڭا ورتالىقتار كەنەن ازىرباەۆ كوشەسى, 8 جانە 4/1 مەكەنجايىندا ورنالاسقان.
