ەل ورداسى – نۇر-سۇلتان قالاسىنىڭ كەلبەتى كۇن وتكەن سايىن كوركەيىپ كەلەدى. سوڭعى جىلدارى قالانىڭ ءار اۋماعىندا پايدا بولعان قوعامدىق كەڭىستىكتەر ەلوردا تۇرعىندارىنىڭ يگىلىگىنە اينالىپ وتىر.
كۇنى كەشە اتالىپ وتىلگەن كونستيتۋتسيا كۇنى مەرەكەسىندە تاعى دا بىرنەشە جاڭا اۋلالار اشىلدى. ەلوردانىڭ اباي داڭعىلى 50 جانە ا.باراەۆ كوشەسى 3 مەكەنجايىندا ورنالاسقان ۇيلەردىڭ ماڭىندا جاڭا اۋلالار پايدالانۋعا بەرىلدى.
بۇل جەرلەردەگى بالالاردىڭ ويىن الاڭدارى جاڭارتىلىپ, قايتا جوندەلگەننەن كەيىن تۇرعىنداردىڭ دەمالىسىنا قولايلى ورتاق الاڭ پايدا بولدى. قوعامدىق كەڭىستىكتىڭ سالتاناتتى اشىلۋ ءراسىمى كونستيتۋتسيا مەرەكەسىمەن تۇسپا-تۇس كەلگەنى كوپشىلىكتى قۋانتتى.
جينالعان تۇرعىندار مەن كىشكەنتاي بالاقايلار الاڭدا كوڭىلدى انيماتورلاردىڭ قىزىقتى ويىندارىنا قاتىسىپ, بالالار اراسىندا وتكەن فۋتبول ءتۋرنيرىنىڭ كۋاسى بولدى.
سول كۇنى «كيرپيچنىي» تۇرعىن الابىنداعى ىرىس,1 مەكەنجايىندا ورنالاسقان ءۇيدىڭ ماڭىندا دا جاڭا ويىن الاڭى اشىلدى. اتا زاڭ مەرەكەسىمەن تۇسپا-تۇس كەلگەن بالالار الاڭىنىڭ اشىلۋى ۇلكەن مەرەكە رەتىندە اتالىپ ءوتتى.
جاڭا الاڭنىڭ اشىلعانىنا شىن جۇرەكتەن قۋانعان تۇرعىندار وزدەرىنىڭ ريزاشىلىقتارىن ءبىلدىردى.
– اتا زاڭ مەرەكەسى كۇنى اۋلامىزدا جاڭا الاڭ اشىلىپ, قۋانىشىمىز ەسەلەنىپ جاتىر. وسىنداي سالتاناتتى شاراعا قاتىسقانىما قۋانىشتىمىن. بىزگە وسىنشا شاتتىق سىيلاعان اۋدان اكىمدىگىندەگىلەرگە زور دەنساۋلىق, ەڭبەكتەرىنە تابىس تىلەيمىن, – دەدى ەلوردالىق اينۇر احمەتوۆا.
