«اۋىل» پارتياسىنان قر پارلامەنتى ءماجىلىسىنىڭ دەپۋتاتتىعىنا كانديدات بولاتبەك قىستاۋوۆ, سوفيا ابدىرازاقوۆا, ءىلياس دوسقوجاەۆ, نۇركەن قارجاۋباەۆ جانە ءتۇرلى دەڭگەيدەگى جەرگىلىكتى ماسليحاتتارعا كانديداتتار قىزىلوردا وبلىسىنىڭ سايلاۋشىلارىمەن كەزدەستى.
«اۋىل» پارتياسى مەن «مانساپ» جەكەمەنشىك مەكتەبى قىزىلوردا قالاسىندا اۋىل ۇستازدارىن قولداۋ ماقساتىندا شارا ۇيىمداستىردى. «ءبىلىمدى ۇرپاق اۋىلدان» دەپ اتالعان وسى جيىنعا «اۋىل» پارتياسىنان ءماجىلىس دەپۋتاتتىعىنا جانە ءتۇرلى دەڭگەيدەگى جەرگىلىكتى ماسليحاتتارعا كانديداتتار قاتىستى. جيىندا جاس پەداگوگتاردى اۋىل مەكتەپتەرىنە جۇمىسقا تارتۋ, اۋىل مەكتەپتەرىنىڭ اقپاراتقا قولجەتىمدىلىگىن ارتتىرۋ ماسەلەسى تالقىلاندى.
– بۇگىنگى اۋىل مەن قالا اراسىندا بىردەن كوزگە ۇراتىن ايتارلىقتاي الەۋمەتتىك الشاقتىق بار. قالا مۇعالىمدەرىندە ءبىلىمىن دامىتا الاتىن مۇمكىندىك مول. اۋىل جانە قالا جاستارىنا بەرىلەتىن مۇمكىندىكتەر اراسى دا جەر مەن كوكتەي. جاستار بولاشاعىن ءوز اۋىلىمەن بايلانىستىرۋ ءۇشىن الدىمەن تۇراقتى جۇمىس, لايىقتى ەڭبەكاقى, ءومىر سۇرۋگە قولايلى ينفراقۇرىلىم, جول, سۋ, گاز پروبلەماسى شەشىلۋ كەرەك. «اۋىل» پارتياسىنىڭ كوزدەگەنى – اۋىلعا ەرەكشە نازار اۋدارۋ. اۋىل مەن قالا اراسىنداعى ءبىلىم بەرۋ, دەنساۋلىق ساقتاۋ, مادەنيەت, سپورت سالالارىنىڭ قىزمەتتەرى ساپاسىنداعى ايىرماشىلىقتى ايتارلىقتاي قىسقارتۋ. «ديپلوممەن – اۋىلعا!», «اۋىلعا كەل, جاس مامان!» باعدارلاماسىن قايتا قاراۋ جانە وعان زامان تالابىنا, جاستار مۇددەسىنە ساي تۇزەتۋلەر مەن تولىقتىرۋلار ەنگىزۋ. اۋىلداردا جاستارعا ارنالعان شارالار وتكىزەتىن, ۇيىمداستىراتىن ورتالىقتار مەن مادەنيەت ۇيلەرىن, سپورت سەكتسيالارىن اشۋعا باستاماشى بولۋ. ءبىزدىڭ پارتيا ماجىلىسكە وسى اتالعان ماسەلەلەردىڭ ءتۇيىنىن تارقاتىپ, جۇزەگە اسىرۋ ءۇشىن بارادى. سىزدەر قولداپ ءبىز ماجىلىسكە بارىپ جاتساق, تىزە قوسساق الىنبايتىن اسۋ بولمايدى. سايلاۋدا ءبىزدى, «اۋىل» پارتياسىن قولداڭىزدار, – دەدى مەكتەپ قۇرىلتايشىسى, «اۋىل» پارتياسىنان ءماجىلىس دەپۋتاتتىعىنا كانديدات سوفيا ابدىرازاقوۆا.
