كوكتەم شىعىپ, قار ەرىگەندە ەلوردا كوشەلەرىن قىزىل سۋ باسىپ كەتپەس ءۇشىن جەرگىلىكتى بيلىك جىل سايىن الدىن الا قام-قارەكەت جاسايدى. بۇل ءۇردىس بيىل دا جالعاسىن تاپتى.
قازىرگى ۋاقىتتا قالاداعى كوممۋنالدىق قىزمەت مەكەمەلەرى تاسقىن سۋعا ەرىك بەرمەس ءۇشىن كۇشەيتىلگەن رەجيممەن جۇمىس ىستەۋدە. بىراق قالانىڭ كەيبىر اۋماقتارىندا ەرىگەن قار سۋى كولكىپ جاتىر. ماسەلەن, شۇبار ىقشام اۋدانىنداعى ەرمەكوۆ كوشەسىندە توڭ بوپ جاتقان قار كۇن جىلىنا كولشىككە اينالىپ, مۇندا اياق الىپ ءجۇرۋ مۇمكىن بولماي كەتتى. ءتىپتى كوشە بويىنداعى لايساڭ سۋ كولىك قوزعالىسىنا دا ەداۋىر قيىندىق تۋدىرۋدا. جاۋاپتى مامانداردىڭ قۇلاعىنا التىن سىرعا, كوممۋنالدىق قىزمەت مەكەمەلەرى تۇرعىنداردىڭ قوڭىراۋىن كۇتپەي, شۇبار, وڭتۇستىك-شىعىس, كوكتال ىقشام اۋداندارى سياقتى اسىرەسە جەكە مەنشىك سەكتورلارعا نازار سالىپ, قىزىل سۋدىڭ الدىن السا بولار ەدى.
