كەشە «ارتەم» ساۋدا ورتالىعىندا استانا قالاسى اكىمدىگىنىڭ ۇيىمداستىرۋىمەن «كاسىپكەرلەرگە كەڭەس بەرۋ» اشىق ەسىك كۇنى ءوتتى.
بازاردىڭ ماڭايى – بۇقارا حالىقپەن بايلانىستىڭ توتە جولى. ويتكەنى ناپاقاسىن ساۋدا-ساتتىقپەن ايىرىپ وتىرعان شاعىن كاسىپكەر دە, قاراپايىم قۇقىعى مەن مەملەكەتتىك قولداۋ شارالارىنان بەيحابار قاتارداعى جۇمىسشى مەن قاراپايىم حالىق وسى توڭىرەكتە. «رۋحاني جاڭعىرۋ» باعدارلاماسىنىڭ اياسىندا, سونىمەن قاتار, ەلورداداعى بيزنەس-احۋالدى جاقسارتۋ, شاعىن جانە ورتا بيزنەس يەلەرىنە مەملەكەتتىك قىزمەتتىڭ قولجەتىمدىلىگىن ناسيحاتتاۋ ماقساتىندا وتكىزىلگەن اتالمىش شاراعا بىرقاتار مەكەمەلەر مەن كاسىپورىنداردىڭ وكىلدەرى قاتىستى. اتاپ ايتقاندا, ساۋدا ءۇيىنىڭ ءبىرىنشى قاباتىنداعى ارناۋلى الاڭدا استانا قالاسى توتەنشە جاعدايلار, قوعامدىق دەنساۋلىق ساقتاۋ جانە مەملەكەتتىك كىرىس دەپارتامەنتتەرى, جۇمىسپەن قامتۋ ورتالىعى, «دامۋ» كاسىپكەرلىكتى قولداۋ قورى, «اتامەكەن» ۇلتتىق كاسىپكەرلەر پالاتاسى, الەۋمەتتىك ساقتاندىرۋ جونىندەگى مەملەكەتتىك قور, مەملەكەتتىك بىرىڭعاي زەينەتاقى جيناقتاۋشى قورى, «كاسىپكەرلىك ەڭبەككەرلەرىنىڭ كاسىپوداعى» قوعامدىق ۇيىمى, «استانا – ادالدىق الاڭى» جوبالىق ءوفيسىنىڭ وكىلدەرى ءارى-بەرى وتكىنشى جۇرتقا سالىق زاڭناماسى, بيزنەستى قولداۋ شارالارى, الەۋمەتتىك ساقتاندىرۋ, زەينەتاقى جيناقتاۋ جانە مەملەكەتتىك قىزمەتتەردى ونلاين الۋ تۋرالى سان-سالالى سۇراقتارعا جاۋاپ بەرىپ, جان-جاقتى ماعلۇمات بەردى.
ادىلبەك جاپاق
