استانا قالاسىنداعى №18 «اياجان» بالاباقشاسىندا «قوش بول, سۇيىكتى بالاباقشام!» اتتى مەرەكەلىك شارا ءوتتى. ول «اق كوگەرشىن» توبى ءبۇلدىرشىندەرىنىڭ بالاباقشامەن قوشتاسۋىنا ارنالدى.
كۇلكىسىمەن الەمدى تەربەتىپ, قىلىعىمەن ۇلكەندەردى سۇيسىندىرگەن پاك كوڭىلدى بالدىرعان كوزدەرىندە قۋانىش نۇرى جارقىراپ, ءبىرى تاقپاق وقىپ, ءبىرى ءان سالىپ, ءبىرى بي بيلەپ, ءوز ونەرلەرى مەن بىلىمدەرىن پاش ەتتى. ودان ءارى بۇلدىرشىندەر «بولاشاقتا كىم بولاسىڭ؟» دەگەن سۇراققا كوزدەرى مولدىرەپ, اسقاق ارماندارىن ايتىپ, جارىسا جاۋاپ بەردى. ولارعا بوبەكتەر توبىنىڭ بالدىرعاندارى وزدەرىنىڭ دايىنداعان كونتسەرتتىك باعدارلامالارىن تارتۋ ەتىپ, مەكتەپتە ۇزدىك وقىپ, تەك بەستىك باعا الۋلارىنا, ۇستازدار مەن مەكتەپتىڭ ابىروي-بەدەلىن اسقاقتاتا بەرۋلەرىنە تىلەكتەرىن ءبىلدىرىپ, ءان-جىرلارىن شاشۋ ەتتى.
بالاباقشا مەڭگەرۋشىسى ا.جاناحمەتوۆا بۇگىن مەكتەپكە دەيىنگى ءبىلىم بەرۋ مەكەمەسىمەن قوشتاسقالى وتىرعان بۇلدىرشىندەردىڭ اراسىندا بولاشاعىنان ۇلكەن ءۇمىت كۇتتىرەتىن وتە تالانتتى, دارىندى بالالاردىڭ كوپ ەكەنىن ايتىپ, كەلەشەكتە ولار مەكتەپتەن دە ساپالى ءبىلىم, سانالى تاربيە الىپ, حالىقتىڭ قالاۋلى ازاماتتارى بولاتىنىنا سەنىم ءبىلدىردى.
بالاباقشامەن قوشتاسۋ كەشى ءوز مارەسىنە جەتكەن سوڭ بالالار «ارۋجان» ويىن-ساۋىق ورتالىعىنا بارىپ, كوڭىل كوتەرىپ, اتتراكتسيونداردا ويناپ, قۋىرشاق تەاترىنىڭ قويىلىمىن تاماشالادى.
ايگەرىم بەيسەنبەكقىزى,
ل.گۋميلەۆ اتىنداعى ەۇۋ
1-كۋرس ستۋدەنتى
