ازاماتتاردىڭ ارىز-شاعىمىن تىڭدادى
بۇرناعى كۇنى «نۇر وتان» پارتياسى قالالىق فيليالىنىڭ عيماراتىندا مەملەكەتتىك قىزمەت ىستەرى اگەنتتىگىنىڭ استانا قالاسى بويىنشا دەپارتامەنتى باسشىسى – تارتىپتىك كەڭەستىڭ توراعاسى تىلەگەن قاسكين ازاماتتاردى جەكە قابىلدادى.
بيىل «مەملەكەتتىك قىزمەت تۋرالى» زاڭعا ءوزگەرىستەر ەنگىزىلىپ, وسى سالا جاڭا ۇلگى بويىنشا جۇمىس ىستەي باستاعانى بەلگىلى. ءتىلەگەن تولەگەنۇلى سالاداعى جاڭالىقتاردى ءتۇسىندىرۋ, كەڭەس بەرۋ ماقساتىندا جانە مەملەكەتتىك قىزمەتكەرلەردىڭ ۇستىنەن ايتىلاتىن ارىز-شاعىمدارعا قاتىستى ايىنا ءبىر رەت ادامداردى قابىلداپ ءجۇر. ارىز-شاعىمدار نەگىزىنەن حالىق قىزمەتشىلەرىنىڭ
ەتيكا ساقتاماۋىنا, ءىسى
تۇسكەن ادامنان دامەتەتىندىگىنە, اتقارىلۋى ءتيىس شارانى ۇزاققا سوزىپ الۋىنا بايلانىستى ايتىلادى
ەكەن. كوبىنەسە حالىق ىشكى
ىستەر ورگاندارىنىڭ, تۇرعىن ءۇي-كوممۋنالدىق سالا قىزمەتكەرلەرىنىڭ, سوت اكتىلەرىن ورىنداۋ دەپارتامەنتىنىڭ جۇمىسىنا شاعىمدانىپ كەلەدى. وعان ازاماتتاردى قابىلداۋعا قاتىسقان ءوزىمىز دە كۋا بولدىق.
سول كۇنى ەركەبولات اقانوۆ ەسىمدى زامانداسىمىز الماتى اۋدانى ىشكى ىستەر ءبولىمىنىڭ جۇمىسىنا شاعىمدانىپ كەلدى. تامىز ايىندا اۆتوتۇراقتا تۇرعان ونىڭ كولىگىنەن قۇجاتتارى ۇرلانعان. وسى فاكتى بويىنشا اتالمىش اۋداننىڭ ءتارتىپ ساقشىلارىنا ارىزدانعان ول سودان بەرى ماردىمدى جاۋاپ الا الماي كەلەدى. «الماتى اۋدانىنىڭ ىشكى ىستەر بولىمىنە بىرنەشە رەت تەلەفون سوقتىم. الايدا, تەرگەۋشى بىرەسە ەڭبەك دەمالىسىندا بولادى,
ءبىرەسە ارىپتەستەرىنىڭ ايتۋىنشا, اندا نەمەسە مىندا جۇرەدى, ايتەۋىر, ورنىنان تابا الماي قويدىم» دەدى ول. مۇنى مۇقيات تىڭداعان تىلەگەن قاسكين ءوزىنىڭ اتىنا الماتى اۋدانى ىشكى ىستەر ءبولىمىنىڭ جۇمىسىنا قاتىستى ارىز جازۋعا كەڭەس بەرىپ, سول بويىنشا جۇمىس ىستەيتىنىنە ۋادە بەردى.
امانعالي شميتۇلى