قورداعى ازىق-تۇلىكتىڭ ازايعانىنا بايلانىستى ەلوردادا بىرقاتار ازىق-تۇلىك ونىمدەرى قىمباتتاعان. اۋىل شارۋاشىلىعى باسقارماسى استانا اكىمدىگىنىڭ مەديا ورتالىعىندا مۇنداي ماۋسىمدىق وزگەرىستىڭ «ەكسپو-2017» كورمەسىنە ەشقانداي قاتىسى جوقتىعىن مالىمدەدى.
الەۋمەتتىك ماڭىزى بار كەيبىر ازىق-تۇلىك باعاسىنا جۇرگىزىلگەن تالداۋعا سايكەس, مامىر ايىندا پياز (41,9%), كارتوپ (22,2%), قىرىققابات (19,8%) جانە ءسابىز (18,2%) قىمباتتاعان. اتالمىش ءونىمدى كوتەرمە باعامەن جەتكىزۋشى كاسىپورىندار باعانىڭ ءوسۋىن ماۋسىمدىق كەزەڭگە بايلانىستى دەپ تۇسىندىرەدى. وسى رەتتە قالالىق اۋىل شارۋاشىلىعى باسقارماسى باعانىڭ نەگىزسىز وسۋىنە جول بەرىلمەۋىن ۇنەمى قاداعالاپ وتىرادى.
«ەگەر باعانىڭ وسۋىنە قاتىستى دەرەك انىقتالسا, استانا قالاسى تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتىنە جولدانادى. ماسەلەن, جىل باسىنان بەرى بەس دەرەك جولداندى. 19 ناۋرىزدان باستاپ وتكىزىلگەن 20-عا جۋىق جارمەڭكەدە 31 توننا ءونىم ساتىلدى. جامبىل, وڭتۇستىك قازاقستان, باتىس قازاقستان, اتىراۋ وبلىستارىنىڭ قاتىسۋىمەن وتكەن ايماقتار جارمەڭكەسىندە قالا تۇرعىندارىنا 754 توننا ءونىم ۇسىنىلدى» دەپ حابارلايدى قالالىق اۋىل شارۋاشىلىعى باسقارماسى.
جالپى, باعا جانە ازىق-تۇلىك ءونىمنىڭ تۇراقتىلىعى – ءاردايىم باقىلاۋدا.
