19 ناۋرىزداعى سايلاۋدان كەيىن ءبىز مۇلدەم جاڭا پارلامەنتتى كورەمىز دەگەن ءۇمىتىمىز زور. وسى جولعى سايلاۋ ناتيجەسىندە مۇلدەم باسقا, بارىنشا بەلسەندى, باستاماشىل پارلامەنتتى كورەمىز دەپ ويلايمىن.
پارلامەنتتە قىزۋ پىكىرتالاس پەن پىكىرسايىس ءجۇرۋى ءتيىس. چەرچيلل دە «كوشەگە قاراعاندا پارلامەنتتە توبەلەس پەن كۇرەستىڭ بولعانى جاقسى» دەپ تەگىن ايتپاسا كەرەك. مۇنداي پارلامەنت بيلىكتىڭ باستى تارماعى رەتىندەگى ونىڭ ءرولى مەن ماڭىزىن ارتتىرۋ ءۇشىن جاعداي جاسايدى. ەڭ باستىسى, ءبىر مانداتتى دەپۋتاتتار سايلاۋدا باسەكەنى ارتتىرىپ, ساياسي ناۋقان قىزا تۇسەرى ءسوزسىز. جاڭا پارلامەنت, شىن مانىندە, بيلىكتىڭ وكىلدىك ورگانىنا اينالادى دەپ سەنەمىن. ونىڭ الاڭىندا بۇكىل قوعام ءۇشىن ماڭىزى بار ماسەلەلەر كوتەرىلەدى. بۇل پرەزيدەنت رەفورمالارىنىڭ ناقتى جەمىسى بولماق.
ەركىن تۇقىموۆ,
قازاقستان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى
